काठमाडौं । फेसबुक एकाउन्ट ह्याक गरी ३० हजार रुपैयाँ ठगी गरेको अभियोगमा २ जनालाई आइतबार प्रहरीले पक्राउ गरेको छ । पक्राउ पर्नेहरुमा सप्तरी सितापुर गाउँपालिका–३ बस्ने ३१ वर्षीय रामदेव साह र सुनसरी ईटहरी उपमहानगरपालिका–४ बस्ने २३ वर्षीया मनिषा गिरी रहेका छन् ।
फेसबुक एकाउन्ट ह्याक गरी गिरी र साहले जितपुर सिमराकी एक महिलालाई ३० हजार रुपैयाँ नपठाए अश्लिल फोटो सामाजिक संजालमा राखीदिन्छु भन्दै धम्क्याएका थिए ।
जितपुर सिमरा उपमहानगरपालिका–२ बस्ने महिलाले ३० प्रहरीमा उजुरी गरेपछि प्रहरीले सुनसरी ईटहरी उपमहानगरपालिका–६ ईटहरी बजार अन्तर्गत रहेको आइएमईबाट ठगी गरेको रकम झिकिरहेको अवस्थामा साह र गिरी पक्राउ परेका थिए ।
उनीहरुमाथी आपराधिक लाभ मुद्दामा जिल्ला अदालत बाराबाट ५ दिन म्याद थप अनुमति लिई अनुसन्धान भइरहेको जिल्ला प्रहरी कार्यालय बाराले जनाएको छ ।
तपाइको प्रतिक्रिया
(Visited 218 times, 1 visits today)
