इलाम । इलाम चोकबजारमा प्रधानमन्त्री केपी शर्मा ओली र गृहमन्त्री राम बहादुर थापा ‘बादल’ को पुत्ला दहन भएको छ । नेपाल बिद्यार्थी संघ इलामले अनेकन बहानामा जनतालाई दुख दिएको भन्दै उनीहरुको पुत्ला दहन गरेको हो ।
बुधबार मात्र नेपाली कांग्रेसका बरिष्ठ नेता रामचन्द्र पौडेललाई प्रहरीले तनहुमा नियन्त्रणमा लिएको बिरोधमा उनीहरु आन्दोलित भएका छन् । उनीहरुले हालको सरकार निरनकुस भएको र प्रहरीलाई आफु अनुकुल परिचालन गरेको भन्दै प्रधानमन्त्री र गृहमन्त्रीको पुत्ला दहन गरेका छन् ।
उनीहरुले प्रधानमन्त्री ओली र गृहमन्त्री थापाबिरुद्ध चर्का नारा समेत लगाएका थिए । कार्यक्रममा संवोधन गर्दै नेविसंघ इलामका अध्यक्ष प्रकाश भट्टराईले हालका सरकारले भ्रष्टाचारीलाई आश्रय दिएको, बलत्कारी र सोझ जनतामाथी आक्रमण हुँदा पनि कारबाही नगरेको बताएका थिए ।
उनीहरुले प्रहरी जनताको भन्दा बढी नेकपा नेता र कार्यकर्ताको चाकरी गर्न थालेको भन्दै नेकपा प्रहरी मुर्दा बाद समेत भन्दै नारा लगाएका थिए । तर नेबी संघका कार्यकर्ताहरुले पुत्ला दहन गर्दै गर्दा प्रहरीले पुत्ला निभाउन खोजेपछि प्रहरी र विद्यार्थी विच ठेलाठेल समेत भएको थियो ।
