Friday, July 23, 2021
HomeBreaking Newsअन्ततः फुट्यो नेकपा

अन्ततः फुट्यो नेकपा

ओली समूहले बनायो ११ सय ९९ जनाको महाधिवेशन कमिटी, दुवै समूहद्वारा आफू नै आधिकारिक भएको दाबी

,

काठमाडौं । सत्तारूढ नेपाल कम्युनिस्ट पार्टी (नेकपा)को मंगलबार छुट्टाछुट्टै स्थानमा बसेको दुई समूहको केन्द्रीय कमिटी बैठकले गरेको फरक फरक निर्णयसँगै पार्टी विभाजन भएको छ । तर दुवै पक्षले पार्टी विभाजनको औपचारिक घोषणा भने गर्न सकेका छैनन् । दुवै पक्षको गतिविधिका कारण पार्टी स्पष्ट रूपमा विभाजन भएको छ ।

प्रधानमन्त्री निवास बालुवाटारमा प्रधानमन्त्री एवं नेकपा अध्यक्ष केपी शर्मा ओली समूहको र बबरमहलमा नेकपा अध्यक्ष पुष्पकमल दाहाल तथा नेता माधवकुमार नेपाल समूहको केन्द्रीय कमिटी बैठक बस्यो । दुवै समूहले आफ्नो समूहलाई आधिकारिक नेकपा बताउँदै एकले अर्काको आलोचना एवं विरोध गर्नुका साथै विभिन्न निर्णय गरेका छन् । सोमबार एकै दिन ओली र दाहाल–नेपाल समूहले संसदीय दलको बैठक गरेका थिए ।

ओली र दाहाल–नेपाल समूह दुई समूहमा विभाजित भएसँगै नेकपाका नेताहरू पनि दुई समूहमा विभाजित भएका छन् । यद्यपि केही नेता अझै पनि कुनै समूहमा सहभागी नभई तटस्थ रहेका छन् ।

ओली समूहको महाधिवेशन २०७८ मंसिरमा
प्रधानमन्त्री निवास बालुवाटारमा बसेको ओली समूहको बैठकले पार्टीको महाधिवेशन २–७ मंसिर २०७८ मा गर्ने निर्णय गरेको छ । साथै सो बैठकले ११ सय ९९ सदस्यीय महाधिवेशन आयोजक कमिटीसमेत घोषणा गरेको छ ।

ओली समूहको बैठकले ४४६ सदस्यीय केन्द्रीय कमिटीमा ५५६ जना नयाँ सदस्य थपेर ११ सय ९९ सदस्यीय महाधिवेशन आयोजक कमिटी घोषणा गरेको हो । १९७ जना सदस्य पछि थपिने नवनियुक्त प्रवक्ता एवं स्थायी कमिटी सदस्य प्रदीप ज्ञवालीले बताए । ९ पुस (बिहीबार) पुनः केन्द्रीय कमिटी बैठक बस्ने निर्णय भएको परराष्ट्र मन्त्रीसमेत रहेका प्रवक्ता ज्ञवालीले बताए ।

– ओली समूहले कसैलाई गरेन कारबाही
– दाहाल–नेपाल समूहले अध्यक्षबाट ओलीलाई हटायो
– दाहाल–नेपाल समूहको अध्यक्षमा माधवकुमार नेपाल थपिए
– ओली समूहको महाधिवेशन २०७८ मंसिरमा
– ओली समूहको प्रवक्तामा प्रदीप ज्ञवाली
– प्रवक्ता नारायणकाजीको जिम्मेवारी खोसियो
– गौतम र थापाद्वारा दुवै समूहको बैठक बहिष्कार

ओली समूहको बैठकले नेकपाका प्रवक्ता नारायणकाजी श्रेष्ठलाई जिम्मेवारीबाट हटाउने निर्णय गर्दै प्रवक्ताको जिम्मेवारी ज्ञवालीलाई दिने निर्णय गरेको हो । नवनियुक्त प्रवक्ता ज्ञवालीले आफ्नो व्यक्तिगत विचार मात्रै पत्रकारका माझमा राख्ने गरेकाले श्रेष्ठलाई हटाउने निर्णय भएको बताए ।

‘पार्टीको कुराभन्दा पनि व्यक्तिगत कुरा गरेकाले जिम्मेवारी हेरफेर गरिएको हो । प्रवक्ताको जिम्मेवारी मलाई दिइएको छ,’ ज्ञवालीले भने ।

ओली समूहको केन्द्रीय कमिटी बैठकमा दाहाल र नेपाललाई अनुशासनको कारबाही गर्नुपर्ने माग सदस्यहरूले गरेका छन् । तर प्रधानमन्त्री ओलीले कसैलाई पनि कारबाही नगर्ने र सिंगो पार्टीलाई निर्वाचनमा केन्द्रित गर्ने बताए ।

‘ओलीलाई कसैले हटाउन सक्दैन’
प्रवक्ता ज्ञवालीले प्रधानमन्त्री ओलीले संविधानअनुसार नै संसद् विघटन गर्ने प्रस्ताव गरेको बताए । काम गर्न नपाएपछि ताजा जनमतमा जानुपरेको उनले बताए । दृष्टिदोष भएकाले मात्रै संविधानविपरीत भएको तर्क गर्ने उनले दाबी गरेका छन् ।

प्रधानमन्त्री ओलीलाई पार्टी अध्यक्षबाट कसैले हटाउन नसक्ने बताउँदै उनले नेकपा किचलोमा विदेशीको हात नभएको दाबी गरेका छन् । ‘आफ्नो थैली बलियो नबनाउने अनि अरूलाई दोष दिने ?’ ज्ञवालीले प्रश्न गरे । बैठकपछि ओली समूह पार्टी आधिकारिताका लागि निर्वाचन आयोगमा पुगेर बैठकका निर्णयसहित निवेदन दिएको छ ।

ओलीलाई कारबाही, अध्यक्षको जिम्मेवारीमा नेपाल
बबरमहलस्थित कार्की पार्टी प्यालेसमा बसेको नेकपा दाहाल–नेपाल समूहको केन्द्रीय कमिटी बैठकले प्रधानमन्त्री ओलीलाई पार्टी अध्यक्षको जिम्मेवारीबाट कारबाही गरेको छ । अध्यक्षको जिम्मेवारीमा वरिष्ठ नेतासमेत रहेका नेपाललाई दिने निर्णय बैठकले गरेको दाहाल–नेपाल समूहका प्रवक्ता नारायणकाजी श्रेष्ठले बताए ।

मंगलबार केन्द्रीय कमिटी बैठक बस्नुअघि बसेको स्थायी कमिटी बैठकले नेपाललाई अध्यक्षको जिम्मेवारी दिने निर्णय गर्दै सो प्रस्ताव केन्द्रीय कमिटीमा पेस गरेपछि बैठकले पारित गरेको हो ।

नेकपाका वरिष्ठ नेता झलनाथ खनालको प्रस्तावमा नेता नेपाललाई सर्वसम्मत अध्यक्ष निर्वाचित गरिएको केन्द्रीय सदस्य दिलु पन्तले बताइन् । बैठकले अध्यक्षबाट ओलीलाई कारबाही र नेपाललाई अध्यक्षको जिम्मेवारीका साथै विभिन्न १३ बुँदे प्रस्ताव पारित गरेको छ । बैठकले प्रतिनिधिसभा विघटनको विपक्ष र पार्टी एकताको पक्षमा लाग्न नेता कार्यकर्तालाई अपिलसमेत गरेको प्रवक्ता श्रेष्ठले बताए ।

यस्तै, पूर्वसभामुखसमेत रहेका नेता कृष्णबहादुर महरालाई स्थायी कमिटी सदस्य बनाउने निर्णय बैठकले अनुमोदन गरेको छ । बैठकले नेकपा कैलालीका अध्यक्ष दीर्घ सोडारीमाथि गरिएको कारबाही फुकुवा गर्दै पुरानै जिम्मेवारी सुम्पिने निर्णय पनि गरेको छ ।

नेकपाको ४४६ सदस्यी केन्द्रीय कमिटी छ । दाहाल–नेपाल समूहको बैठकमा ३१५ केन्द्रीय सदस्यको सहभागिता रहेको दाबी गरिएको छ ।

साहको आपत्ति
नेकपाका केन्द्रीय सदस्य प्रभु साहले पार्टीमा दुई अध्यक्ष हुन आवश्यक नभएको बताएका छन् । दाहाल–नेपाल समूहको बबरमहलस्थित केन्द्रीय कमिटी बैठकमा सहभागी नेकपा प्रदेश २ का अध्यक्षसमेत रहेका केन्द्रीय सदस्य साहले पार्टीमा दुई अध्यक्ष भएका कारण पार्टी व्यवस्थित रूपमा सञ्चालन हुन नसकेको बताउँदै दुई अध्यक्ष आवश्यक नभएको बताए ।

अध्यक्ष ओलीलाई हटाएर नेपाललाई नयाँ अध्यक्ष बनाएपछि असहमति जनाउँदै उनले यसअघि पनि दुई अध्यक्ष रहेको र उक्त प्रणाली हास्यास्पद रहेको भन्दै फेरि त्यस्तै गल्ती गर्न नहुने बताए ।

‘मैले वरिष्ठ नेता माधवकुमार नेपालको विरोध गरेको होइन । उहाँप्रति मेरो सदा सम्मान छ,’ साहले भने, ‘तर पार्टीमा दुई अध्यक्ष बनाउने प्रणाली गलत छ भनेको हुँ ।’

गौतम र थापाद्वारा दुवै समूहको बैठक बहिष्कार
ओली र दाहाल–नेपाल समूहले एकै दिन छुट्टाछुट्टै स्थानमा केन्द्रीय कमिटीको बैठक आयोजना गरे पनि उपाध्यक्ष वामदेव गौतम र सचिवालय सदस्य रामबहादुर थापा बादलले दुवै समूहको बैठक बहिष्कार गरेका छन् ।

नेकपाको आन्तरिक विवाद उत्कर्षमा पुगेर प्रतिनिधिसभा विघटन भइसकेको बेला दुवै नेता अहिले आन्तरिक छलफलमै रहेका छन् । ओली र दाहाल–नेपाल समूहले आ–आफ्नो समूहको बैठकमा सहभागी हुन गरेको आग्रह अस्वीकार गर्दै गौतम र थापा कुनै पनि बैठकमा सहभागी भएनन् ।

मंगलबार नै गौतम निवास भैंसेपाटीमा गौतम र थापाबीच केही समय छलफल भएको छ । दुवै नेतालाई दाहाल, नेपाल र वरिष्ठ नेता खनालले भेटेरै बबरमहलको बैठकमा सहभागी हुन आग्रह गरेका थिए । उता ओलीले समेत फोन सम्पर्क गरेर बालुवाटारको बैठकमा सहभागी हुन आग्रह गरे ।

गौतम र थापा पार्टी फुटको विरुद्धमा उभिँदै आएका छन् । यद्यपि गौतम र थापा निकटका केन्द्रीय सदस्यहरू दाहाल–नेपाल समूहको बबरमहलस्थित बैठकमा सहभाीग भएका छन् । उता पूर्वमाओवादी नेताहरू टोपबहादुर रायमाझी, मणि थापा, लेखराज भट्टसहितका नेताहरू ओली समूहको बैठकमा सहभागी भएका छन् ।

Loading comments...

आजको समाचार

दुईहजार ९७७ सङ्क्रमित थपिए, १८ जनाकाे मृत्यु

  काठमाडाैं । पछिल्लो २४ घण्टामा देशभर २,९७७ सङ्क्रमित थपिएका छन् भने एक हजार ६७८ जना सङ्क्रमणमुक्त भएका छन् । जम्मा १३ हजार ६९८ लाई...

प्रदेश लोकसेवा आयोगका चुनौतीहरू

सार्वजनिक प्रशासनमा योग्य कर्मचारीको निष्पक्ष छनोटको भूमिका गहन र अहं रहेको हुन्छ । सरकारी निकायमा कर्मचारी भर्ना मनोमानीढंग (स्पोइल सिस्टम, लुटतन्त्र)मा र विधिसम्मत गरी...

निगमलाई कम्पनीमा लैजाने विवादमा समितिको चासो

काठमाडौं । मुलुकको राष्ट्रिय ध्वजावाहक नेपाल वायुसेवा निगमलाई कम्पनीमा रूपान्तरण गर्ने सम्बन्धमा उत्पन्न कर्मचारी विवाद र यसले निगमको काम ठप्प भएको सम्बन्धमा संसदीय समितिले...

सरकारको काममा सहजीकरण गर्न बन्यो कार्यदल

काठमाडौं । सरकार सञ्चालनमा सहजीकरणका लागि भन्दै सरकार आबद्ध गठबन्धनमा रहेका दलहरूको कार्यदल बनाइएको छ । कांग्रेस महामन्त्री पूर्णबहादुर खड्काको नेतृत्वमा सात सदस्यीय कार्यदल...

साताका लोकप्रिय समाचार

बिजुक्छेँलाई भेटन पुगे मुख्यमन्त्री पौडेल

भक्तपुर । नेपाल मजदुर किसान पार्टीका अध्यक्ष का. नारायणमान बिजुक्छेँ (रोहित) र बागमती प्रदेशका मुख्यमन्त्री डोरमणि पौडेलविच भेटवार्ता भएको छ । भेटको अवसरमा अध्यक्ष बिजुक्छेँले...

मिलन र विछोडको कथानक

राजनीति शक्तिका लागि संघर्ष हो । लामो समयसम्मको परिश्रम, घोटाइ, घोकाइ, दलाइ, खटाइ र अथक उठापटकपश्चात् मात्र शक्तिमा पुग्न पाइन्छ । किन्तु धेरैजसो परिश्रमीहरू...

प्रदेशको सार्वजनिक खर्च प्रणाली र बजेटबीचको अन्तरसम्बन्ध

सरकारले विभिन्न क्षेत्रमा गर्ने सार्वजनिक खर्चको समष्टि रूप नै सार्वजनिक खर्च प्रणाली हो । प्रणाली भन्नेबित्तिकै हामी आगत, प्रक्रिया र अपेक्षित प्रतिफल बुझ्दछौं ।...

एकताका लागि नेपाललाई दोस्रो अध्यक्ष दिन ओली तयार

काठमाडौं । नेकपा एमालेको केन्द्रीय समितिको बैठकले सर्वोच्च अदालतले हालै गरेको फैसलाबारे गम्भीर असहमति जनाउँदै आफ्नो असहमति जनतासमक्ष पु¥याउने निर्णय गरेको छ । साथै बैठकले...

अमेरिकाबाट हरेक साता लोकदोहोरी कार्यक्रम

काठमाडौं । अमेरिकामा बस्दै आएका नेपाली कलाकारले नेपाली लोक दोहोरी गीतको प्रवद्र्धनका लागि त्यहीँबाट प्रत्यक्ष लोक दोहोरी गायन कार्यक्रम सुरु गरेका छन् । संयुक्त...

ट्रेन्डिङ

स्वास्थ्यमन्त्रीकाे परिवारका सदस्यलाई कोरोना संक्रमण

काठमाडौं । स्वास्थ्य तथा जनसंख्यामन्त्री भानुभक्त ढकालको परिवारका सदस्यलाई कोरोना संक्रमण भएको छ । तीन दिनअघि परिवारका एक सदस्यलाई कोरोना संक्रमण देखिएपछि मन्त्री ढकाल हाल...

शैय्या चाहिए यी नम्बरमा फोन गर्नुस् !

काठमाडौँ । स्वास्थ्य तथा जनसङ्ख्या मन्त्रालयले कोभिड–१९ सङ्क्रमितको उपचारका लागि शैय्या चाहिएमा टोलफ्रि नं ११३३ एवं मोबाइल नम्बर ९८५१२५५८३७ र ९८५१२५५८३९ मा सम्पर्क गर्न...

ई-पेपर

1

RAJDHANIDAILY VIDEO

प्रमुख

भर्खरै

छुटाउनुभयो कि?