संसद पुनःस्थापना गर्न आन्दोलन सशक्त बनाउँ : नेता पाण्डे

मोरङ । पूर्व मन्त्री तथा नेकपाका नेता सुरेन्द्र पाण्डेले प्रतिनिधिसभा पुनःस्थापनाका लागि आन्दोलनलाई सशक्त बनाउनुपर्ने बताएका छन् । विराटनगरमा मोरङका अगुवा नेता कार्यकर्ता भेलालाई सम्बोधन गर्दै उनले यस्तो बताएका हुन् । नेता पाण्डेले सर्वोच्च अदालतको दैनिक वेञ्च बस्ने भन्दै दवाव सृजना गर्न आन्दोलन सशक्त बनाउनुको विकल्प नभएको बताए । उनले भने, ‘प्रधानमन्त्री ओलीको प्रतिगमनकारी कदम असफल पार्न सबै एकजुट भएर आन्दोलनमा उत्रिनुको विकल्प छैन ।’

संविधान र अन्तर्राष्ट्रिय अभ्यासमा पनि प्रतिनिधिसभा विघटन गर्न नमिल्ने बताएका नेता पाण्डेले भने, ‘सर्वोच्च अदालतको निर्णय पुनःस्थापना गर्ने नै हुन्छ तर त्यसका लागि दवाव सृजना गर्नु अहिलेको आवश्यकता हो ।’

सर्वोच्च अदालतले प्रतिनिधिसभा पुनःस्थापना नगरे मुलुकमा राजनीतिक अस्थिरता निम्तने र मुलुक अन्धकारतर्फ धकेलिने तर्क गरे । उनले नेता कार्यकर्तालाई दिनरात आन्दोलनमा लाग्न निर्देशन गरे । उनले भने, ‘तपाईहरु ९ गते काठमाडौं र १६ गते विराटनगरमा हुने विरोध सभामा एक एक लाख मानिस उपस्थित गराउन केन्द्रित हुनुहोस् ।’ उनले ओली समूहका कार्यकर्तालाई समेत फकाएर ल्याउन जोड दिए ।

उनले बाह्य शक्तिले प्रधानमन्त्री ओलीलाई प्रतिनिधिसभा विघटन गर्न लगाएको आरोप लगाए । नेता पाण्डेले अब आन्दोलनमा प्रमुख सत्रुमाथि प्रहार गर्नका लागि बाँकीलाई समेटर अघि बढ्नु पर्ने भन्दै जनता समाजवादी पार्टी, कांग्रेसलगायतका दलसँग सहकार्य गरेर आन्दोलनलाई सशक्त बनाउनुपर्ने तर्क गरे । उनले भारत रिसाउनेगरी नबोल्न सुझाव दिँदै प्रधानमन्त्री ओलीको मात्र बिरोध गर्न निर्देशन दिए । भारत रिसाए आफुहरूको आन्दोलन कमजोर हुनेतर्फ सचेत गराए ।

आन्दोलन सफल पार्न कांग्रेसले राखेको एमसीसी पास गर्ने प्रस्तावलाई स्वीकार गरेर अघि बढ्नुपर्ने बताए । उनले एमसीसी पास गर्ने प्रतिबद्धता गरेपनी ब्यबहारमा पास नहुने संकेत गरे । उनले कार्यकर्तालाई स्पस्ट पार्दै भने, ‘कांग्रेस मुलुकको एउटा प्रमुख शक्ति भएकाले आन्दोलनमा साथ सहयोग आवश्यक छ ।’
निर्वाचन आयोगले पार्टीको आधिकारिकता, झण्डा, लोगो बहुमत कार्य समिति सदस्य भएकोलाई नै दिने निश्चित रहेकाले यसकालागि आन्दोलन सशक्त बनाउनै पर्नेमा जोड दिए ।

तपाइको प्रतिक्रिया
(Visited 429 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
युवा नेतृत्व छनौटमा नेकपा एमाले, सुनसरीबाट कार्की सिफारिस