रियलमी फोनको विषेशता : १ पटक चार्ज गरेपछि ४४ घण्टा कुरा गर्न सकिने

काठमाडौं । छोटो समयमा विश्वभर प्रविधिको क्षेत्रमा आफ्नो बलियो हस्तक्षेपपूर्ण उपस्थित जनाउँदै गएको स्मार्टफोन ब्रान्ड रियलमीले क्वेलकम संस्करणको लेटेस्ट सी १५ मोबाइल फोन नेपाली बजारमा सार्वजनिक गरेको छ । कम्पनीले अल्ट्रालंग ब्याट्री र उत्कृष्ट पर्फमेन्सका लागि थप फिचर्ससहित यस संस्करणको मोबाइललाई अझैं मजबुत बनाएको छ ।

आकर्षक जियोमेट्रेटिक डिजाइनका साथ ८ कोरको स्न्याप ड्रागन प्रोसेसर क्वेलकम फिचरले २० हजारसम्म मूल्य पर्ने स्मार्टफोन सेग्मेन्टमा यस मोबाइल फोनलाई अलग स्थानमा पु¥याएको छ । यस मोबाइलमा उच्चतम स्क्रिन र बडीको अनुपात मिलेको ६.५ इन्चको एलसीडी फुलस्क्रिन डिस्प्ले, चारवटा लेन्ससहितको क्यामेराका साथ थप आकर्षक बनाइएको यो मोबाइल फोन विषेशगरी युवालाई लक्षित गरी डिजाइन गरिएको छ ।

एकपटकको पूर्ण चार्जमा मोबाइलमा ४४ घण्टासम्म लगातार कल गर्न तथा २६.८ घण्टा युट्युब हेर्न सकिनेछ, सामान्यतया एकपटकको चार्जले ४८ दिनसम्म मोबाइल फोन चल्ने दाबी कम्पनीको छ

रियलमी विश्वभरका ५० करोड स्मार्टफोन प्रयोगकर्ताको सूचीमा ७ औं स्थानमा पर्छ । यो वर्तमान समयमा एकदमै चाँडो बजारमा आफ्नो सानदार हस्तक्षेप जनाएको मोबाइल फोन ब्रान्ड हो । यसले आफ्ना प्रयोगकर्ताको चाहनाअनुसार आफ्ना नयाँ संस्करणका मोबाइल फोनको डिजाइन गर्दै गएको छ जसकारण पनि ग्राहक रियलमीका मोबाइल फोनप्रति आकर्षित छन् । सी सिरिजको मोबाइल फोनमा विश्वभरबाट राम्रो प्रतिक्रिया पाइराखेकाले कम्पनीले यस सिरिजलाई विशेष प्राथमिकतामा राखेर आफ्नो उत्पादनलाई वृद्धि गरिरहेको छ । उच्च पर्फमेन्स, एकपटकको चार्जले लामो समयसम्म टिक्ने पावरफुल ब्याट्री, डिजाइनलगायतका कारण यो मोबाइल फोन स्मार्टफोन प्रयोगकर्ताका लागि एकदमै राम्रो विकल्प भएको दाबी कम्पनीको छ ।

द्रुत तथा शक्तिशाली क्वेलकम ४६० स्न्याप ड्रागन

कम्पनीले सी १५ मोबाइल फोनलाई ४६० एसओसीको क्वेलकम स्न्याप ड्रागन प्रोसेसरले द्रुत र शक्तिशाली बनाएको छ । ८ कोरको सो प्रोसेसरले १.८ गिगाहर्जसम्म दैनिक प्रयोग हुने एप अपरेसनभन्दा बाहिर पनि सँधैं काम गरिरहेको हुन्छ । कम पावरमा मोबाइलले ११ प्रोसेर टेक्नोलोजीमा काम गरिरहेको हुने भएकाले मोबाइलमा ह्याङ हुने समस्या रहँदैन भने यसले मोबाइलको पर्फमेन्स पनि राम्रो बनाएको छ ।

मोबाइलको ग्राफिक प्रोसेसिङ युनिट (जीपीयू) निकै आकर्षक रहेको छ । क्वेलकम एड्रेनो ६१० जीपीयूले ग्राफिक प्रक्रियालाई अघिल्लो संस्करणको मोबाइल फोनभन्दा वृद्धि गरेको छ । यसका प्रयोगकर्ताले यस सिरिजको मोबाइल फोनमा पहिलोपटक आकर्षक क्यामेरा पफर्ममेन्स, राम्रो र सटिक लोकेसन ट्र्याकिङ, राम्रो कनेक्टीभीटीको पनि अनुभूति गर्न पाउनेछन् ।

६ हजार एमएएचसहितको टिकाउ ब्याट्री

मोबाइल फोनमा सबैभन्दा महत्वपूर्ण रहने ब्याट्रीको पर्फमेन्सलाई नजिकबाट बुझेर कम्पनीले ब्याट्री बढी टिकाउ बनाउने प्रयास गरेको छ । कम्पनीले यस फोनमा विश्वमै पहिलोपटक १८ वाटमा तीव्र र पूर्ण चार्जिङ हुन सक्ने ६ हजार एमएएच ब्याट्री राखेको छ । एकपटकको पूर्ण चार्जमा मोबाइलमा ४४ घण्टासम्म लगातार कल गर्न तथा २६.८ घण्टा युट्युब हेर्न सकिनेछ, सामान्यतया एकपटकको चार्जले ४८ दिनसम्म मोबाइल फोन चल्ने दाबी कम्पनीको छ । यसमा सुपर पावर सेभिङ मोड पनि राखिएको छ ।

६.५ इन्चको मिनी ड्रप एआई क्विड क्यामेरा

कम्पनीले मोबाइलमा ६.५ इन्चको मोबाइल ड्रप डिजाइनमा क्विड (४ वटा लेन्स) भएको क्यामेरा राखेको छ । ६.५ इन्चको स्क्रिनका कारण यसमा खिचिएको भिडियो एकदमै हेर्न उत्कृष्ट तथा मनमोहक छ । यस मोबाइल फोनबाट इन्टरनेट चलाउँदा होस् वा युट्युबमा भिडियो हेर्दा अथवा फोटो हेर्दा सानदार दृश्य प्रभाव हुने कम्पनीको भनाइ छ ।

यस फोनमा पछाडिपट्टिको क्यामेरा १३ एमपीको छ, जसले उत्कृष्ट नाइटस्केप मोड, ११९ डिग्री अल्ट्रावाइड मोड, पोर्टेट मोडलगायतका सुविधा प्रदान गरेको छ । यस्तै, अगाडिपट्टि ८ एमपीको क्यामेरा राखिएकोमा यसले १०८० पीमा पूर्ण एचडी भिडियो रेकर्डको सुविधा प्रदान गरेको छ भने यसमा फोटो, एआई ब्युटीलगायतका सुविधा प्रदान गरेको छ ।

यसलगायत मोबाइलमा विभिन्न फिचर्स प्रदान गरिएको छ । नीलो र सिल्भर कलर दुई विकल्पमा उपलब्ध यो मोबाइलको डिजाइनका क्रममा नीलो समुद्र तथा माथि उडिरहेको समुद्री चराजस्तो देखाउन खोजिएको छ । चारवटा कर्नर बलियो गरी बनाइएको छ जसले स्क्रिन ड्यामेज हुनबाट धेरै हदसम्म बचाउँछ । स्मार्टफोन कम्पनीले स्मार्टफोनलाई फरक देखाउने त्यति धेरै प्रयास नगर्ने भए पनि रियलमीले डिजाइनमा निकै मिहिनत गरेको छ । जसकारण इन्ट्री लेभलको यस फोनको डिजाइन पनि अत्यधिक आकर्षक देखिन्छ ।

कम्पनीले यस फोनको खरिदमा ३ सय ६५ दिनको वारेन्टीसमेत दिएको छ । कम्पनीले नेपालमा ४/६४ जीबीको यस मोबाइल फोनको मूल्य १९ हजार ९ सय ९० राखेको छ । कम्पनीले यसअघि सी १२ फोन १६ हजार ९ सय ९० र सी ११ फोन १४ हजार ४ सय ९० मा बिक्री गरिरहेको छ ।

तपाइको प्रतिक्रिया
(Visited 347 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
इलाममा एमालेका तीनजना निर्विरोध