Thursday, July 29, 2021
HomeEditor-Picksदेउताको कसमले अनुसन्धानमा सहज

देउताको कसमले अनुसन्धानमा सहज

विमल हमाल,
sharethis

मुगु । बलात्कार प्रयासपछि हत्या गरिएकी मुगु सोरु गाँउपालिका–९ कालै गाँउका नौ वर्षीया बालिका लक्ष्मी चौलागार्इंको हत्याका प्रतिवादीले बयान दिँदा अनुसन्धानमा खटिएका प्रहरीलाई खुवाएको देउताको कसमले अनुसन्धान सहज हुँदै आएको छ । गत २१ चैतमा बलात्कार प्रयासपछि सूचना बाहिर जाने डरले हत्या गरिएको थियो ।

प्रतिवादीलाई प्रहरीले २३ गते पक्राउ गरेपछि घटनासम्बन्धी केरकार गर्दा प्रतिवादीले आफूलाई कुटपिट नगर्ने सर्तका लागि वडा नम्बर ८ रुम गाँउमा रहेका रुम विजयी देउताको कसम खुवाउन लगाएको र आफूले पनि सत्य बाहिर आउने विश्वासमा कसम खाएको अनुसन्धानको नेतृत्वमा खटिएका प्रहरी निरीक्षक नरेश विकले बिहीबार जिल्ला प्रहरी कार्यालयमा आयोजित पत्रकार सम्मेलनमा बताए ।

उनले भने, ‘अपराधीको देउताप्रतिको विश्वास देखेर आफूलाई अचम्म लाग्यो, जब मैले रुम विजयी देउताको कसम खाए तब उसले फटाफटा घटनाबारे ओकल्न थाल्यो । उसले भनेअनुसारका प्रमाण खोज्दा यर्थाथ भेटिए उसले पनि देउताको विश्वासमा सबै कुरा नढाटि भन्यो ।’

प्रहरीकाअनुसार २१ गते बिहान खाना खाएपछि बालिकाका आमा र छोरी नुहाइधुवाई गर्न मुगु कर्णालीमा गएको देखिन्छ । अन्दाजी २ बजेतिर घर आएका आमाछोरी केहीबेर घरमा अर्नी (नास्ता) खाएपछि आमा बेलमती चौलागार्इं गिट्टी कुट्न निस्किन् भने छोरी छिमेकीको आँगनमा ढाल्ना खेल्न साथीहरूसँग गइन् । यति बेलासम्म साँझको अन्दाजी ४ बजिसकेको थियो । साथीहरूसँगै खेल्दै गर्दा केही समयपछि लक्ष्मीलाई दिसा लागेर बजारभन्दा केही मिटर तल घाट भन्ने ठाँउतिर लागिन् । यता, प्रतिवादी प्रवेश रावलले बजारको एक पसलमा दुईवटा रिनटिन चाउचाउ किने । उसको हातमा लोकल एक बोतल रक्सी थियो । चाउचाउसँग रक्सी खाँदै ऊ पनि लक्ष्मी शौच गर्न गएको ठाउँतिर गए ।

जब ऊ लक्ष्मी शौच गरिरहेको नजिक पुगे । लक्ष्मी हतारहतार शौच गर्न छोडेर उठिन् र स्थानीय भाषामा भनिन्, ‘हग्न लागेको देखिनई लाज मान्दैनांै, छारी हग्न बसिया ठाउँ आउन,’ यति भन्दै गर्दा एक्कासि प्रतिवादी रावलले लक्ष्मीलाई च्याप्प समाए । जब बालिका प्रतिवादीको कब्जाबाट फुत्कन कराउन थालिन्, उसले बालिकालाई धकेले । यसरी धकेल्दा बालिका नदीको छेउमै रहेका ढुंगामा बजारिन पुगिन् र बेहोस भइन् ।

रक्सी र यौनको उत्मातमा रहेको प्रतिवादी रावलको जब बालिका बेहोस भइन्, जति हल्लाए पनि होस नआएपछि बालिकालाई नदीमा बगाए । जब बालिका नदीमा फालिइन् उनको होस आयो र बचाउन हात हल्लाइन् । प्रतिवादीले पनि बालिकालाई बचाउन पुनः नदीमा आधा भिजेर पसे ।

बालिकालाई समाउन खोग्दै गर्दा घटना स्थलमाथि गाई गोरु वा भेडाबाख्रा हिँडेको आवाज सुनेपछि घटनाको पोल खोलिने डरले बालिकालाई नबचाई ऊ घरतर्फ लाग्यो । बाटोमा स्थानीय एक व्यक्तिले यति बेला (५ बजेतिर) किन कर्णालीमा गएको भन्दा ऊ माछा मार्न गएको र भिजे मात्र भन्यो । घटनास्थलमा बालिकालाई पर्छादा बालिकाले लगाएको निलो रंगका चप्पल खुट्टाबाट फुत्कन्छ भने खाँदै गरेको चाउचाउका पाकेट पनि बालिकालाई समाउँदा प्रतिवादीले घटना स्थलमा छोड्छ ।

२१ गते हराएकी बालिकालाई स्थानीय र कालै प्रहरी चौकीका प्रहरीले २३ गते खोजी गरे पनि कतै भेट्टाएन २३ गते नै साँझ अन्दाजी गर्दा कतै फेला नपरेपछि २३ गते साँझ ७ बजेतिर प्रहरीलाई खबर आयो बालिकाको शव नदीको रहेका दुई ढुंगाको बीचमा अड्किएको अवस्थामा माछा मार्नेले देखे । खबर पाउना साथ प्रहरी नायब निरीक्षक चित्रबहादुर भट्टराईले घटनास्थलनजिककै रहेको कालै प्रहरी चौकीमा घटनास्थलको सुरक्षाको लागि प्रहरी सहायक निरीक्षकको कमान्डमा प्रहरी खटाए रातभरि प्रहरीले नदीको छेउमा बसेर सुरक्षा दिए २४ गते बिहानै डीएसपी भट्टराईसहितको टोली घटना स्थल तारापानी घाट पुग्यो ।

स्थलगत सबै मुचुल्का उठाएर पोस्टमार्टमका लागि बालिकाको लास जिल्ला अस्पताल मुगुमा लिने व्यवस्था मिलाएर घटनाको थप अनुसन्धान गर्न प्रहरी निरिक्षक नरेश विकको जिम्मा छोडी उनी जिल्ला फर्किए । अनुसन्धानको जिम्मा पाएका भट्टराईले घटनास्थलमा भेटिएका चाउचाउका पाकेटबाट अनुसन्धान सुरु ग¥यो । तारापानी बजारमा चाउचाउ पाइने दुईवटा पसलमा २१ गते साँझ ५ बजेतिर कोकोले चाउचाउ किन्न आए भनेर सोधखोज गर्दा एक व्यापारीले प्रतिवादी रावलले दुई पाकेट रिनटिन चाउचाउ किनेर लगेको र बालिका लक्ष्मी गएकोेतिर ऊ गएको बताए । चाउचाउ किन्न आउँदा ऊ रक्सी खाएको थियो भनेरसमेत व्यापारीले बताए । व्यापारीले बताएअनुसार प्रहरीले प्रतिवादी रावललाई खोज्न लाग्यो ।

गाउँलेकै नयाँ बनाउन लागेको घरमा ज्यामी काम गरिरहेका अवस्थामा प्र्रतिवादीलाई प्रहरीले नियन्त्रणमा लियो । सुरुमा केही भन्न नमानेको उसले आफूलाई नपिटने सर्तमा प्रनि विकलाई देउताको कसम खान लगायो । अनुसन्धान गर्न सजिलो र अपराधीनजिक छिटो पुग्ने आशामा आफूले कसम खाएको प्रनि विकले बताए । उनले भने, ‘भगवानले पनि मेरो बाध्यता बुझनुहोला ।’ प्रतिवादीले बताएअनुसार सबै प्रमाण मिलेपछि हत्यारा रावल नै भएको भन्नेमा प्रहरी विश्वस्त छ । उसले बताएअनुसार बलात्कार प्रयासपछि हत्या भयो वा बलात्कार पछि हत्या ग¥यो त्यो भने बालिकाको पोस्टमार्टम रिर्पोट, भेजाइनल स्वाब रिपोर्ट आएपछि प्रमाणित हुने पनि प्रहरीले बताएको छ ।

(Visited 235 times, 1 visits today)
Loading comments...

आजको समाचार

मन्त्रिमण्डल पूर्णता दिन सकस

काठमाडौं । प्रधानमन्त्री शेरबहादुर देउवालाई मन्त्रिमण्डल पूर्णता दिन सकस परेको छ । प्रधानमन्त्रीमा नियुक्त भएको दुई साता बित्दासमेत उनले मन्त्रिमण्डल विस्तार गर्न सकेका छैनन्...

‘परीक्षार्थीलाई खोप व्यवस्था गर्नू’

काठमाडौं । संसदीय समितिले कक्षा १२ का परिक्षार्थीलाई कोरोनाविरुद्ध खोप व्यवस्था गर्न सरकारलाई निर्देशन दिएको छ । संसद् शिक्षा तथा स्वास्थ्य समितिले आगामी ३१...

सेयर बजार हालसम्मकै उच्च बिन्दुमा

काठमाडौं । बुधबार नेपाल स्टक एक्स्चेन्ज ं(नेप्से)ले हालसम्मका सबै रेकर्ड ब्रेक गरेको छ । बुधबार सेयर बजार ३ हजार १ सय १२ बिन्दुपार गरेर...

काठमाडौँको नारायणटारबाट नगदसहित पाँच जुवाडे पक्राउ

  काठमाडाैं । महानगरीय प्रहरी वृत बौद्धले काठमाडौँ नारायणटारबाट नगदसहित पाँच जना जुवाडेलाई पक्राउ गरेको छ । गोकर्णेश्वर नगरपालिका–६ नारायणटारस्थित गङ्गाप्रसाद मणिकर्मीको घरमा जुवा खेलिरहेको...

सचिव बैठकः मन्त्रालय र कार्यालयमा ‘अफिस अटोमेसन’ लागू गर्न निर्देशन

काठमाडौ । मुख्य सचिव शंकरदास वैरागीले सरकारका सबै सचिवलाई छिटोभन्दा छिटो मन्त्रालय र मातहतका कार्यालयमा ‘अफिस अटोमेसन’ लागू गर्न निर्देशन दिएका छन् । सचिव...

साताका लोकप्रिय समाचार

साफ आयोजना गर्न प्रस्ताव

काठमाडौं । नेपालले दक्षिण एसियाको सर्वोच्च फुटबल प्रतियोगिता साफ च्याम्पियनसिप आयोजना गर्न आधिकारिक प्रस्ताव पाएको छ । शुक्रबार बसेको साफको बैठकमा बंगलादेशले आयोजना गर्न...

भारतमा बाढी पहिरोमा परी मृत्यु हुनेको सङ्ख्या १२४ पुग्याे

  भारतमा भारी मनसून वर्षाको कारण उत्पन्न बाढी र पहिरोबाट मृत्यु हुनेको सङ्ख्या आइतबार १२४ पुगेको छ भारतीय अधिकारीले पुष्टि गरेका छन् । अरु दर्जनौं...

देउवा निवासमा कांग्रेस पदाधिकारी बैठक

काठमाडौं । नेपाली कांग्रेसको पदाधिकारी बैठक आज बस्दैछ । पार्टी सभापतिसमेत रहेका प्रधानमन्त्री शेरबहादुर देउवाको निजी निवास बूढानीलकण्ठमा बैठक बस्ने भएको हो। यसअघि हिजोका लागि...

बनेपाबाट ११ जना जुवाडे पक्राउ

  काभ्रेपलाञ्चोक । बनेपाबाट नगदसहित ११ जना जुवाडेलाई प्रहरीले पक्राउ गरेको छ । अबैध रुपमा जुवातास खेली रहेको विशेष सूचनाको आधारमा उनीहरुलाई प्रहरीले पक्राउ गरेको...

जसपा कार्यकारिणी समिति बैठकबाट विधान अनुमोदन

काठमाडौं । जनता समाजवादी पार्टी (जसपा) कार्यकारिणी समिति बैठकले संसदीय दलको विधान अनुमोदन गर्दै नेता चयनका लागि तीन सदस्यीय समिति गठन गर्ने निर्णय गरेको...

ट्रेन्डिङ

राजधानीकर्मी तिमलसिना सम्मानित

रौतहट । रौतहट बचत तथा ऋण सहकारी संघले आफ्नो २४ औ बार्षिक साधरण सभाको अबसर पारेर राजधानी दैनिकका रौतहट प्रतिनिधि रमेश तिमलसिनालाई सम्मान गरेको...

फेरि २ अर्ब ७३ करोडको राजस्व छली

काठमाडौं नक्कली भ्याट बिल प्रयोग गरी राजस्व छली गर्ने विभिन्न नौ वटा कम्पनीविरुद्ध राजस्व अनुसन्धान विभागले शुक्रबार उच्च अदालत पाटनमा मुद्दा दायर गरेको छ...

ई-पेपर

1

RAJDHANIDAILY VIDEO

प्रमुख

भर्खरै

छुटाउनुभयो कि?

(Visited 191 times, 1 visits today)