बागलुङ । बागलुङको पश्चिम ढोरपाटन क्षेत्रबाट लागु औषध र बन्दुकसहित दुई पुरुष पक्राउ परेका छन् । प्रहरीले ढोरपाटन नगरपालिका–४ भाँगीबाट एक थान भरुवा बन्दुक, साढे दुई किलो चरेश, सात किलो गाँजाको धुलोसहित दुई जनालाई पक्राउ गरेको हो ।
विशेष सुराकको आधारमा प्रहरीले ढोरपाटन नगरपालिका–४ भाङ्गीका ३४ बर्षिय जित बहादुर पुन र सोही गाउँका ३८ बर्षिय डम्बर बहादुर पुनलाई पक्राउ गरेको इलाका प्रहरी कार्यालय बूर्तिवाङका प्रहरी निरीक्षक जयराम वन्तले जानकारी दिए ।
पक्राउ पर्ने दुवै जनाले लागुऔषधको कारोबार गरेको भन्ने सुचनाको आधारमा घरमा गएर खोजतलास गर्दा उक्त सामग्री बरामद भएको थियो ।
जितबहादुरको घरबाट साढेँ २ किलो गाजाँको धुलो र डम्बर बहादुरको घरबाट २ किलो २ सय ग्राम चरेस, साढेँ ४ किलो गाजाँको धुलो र एक थान एकनाले भरुवा बन्दुक बरामद गरिएको प्रहरी निरीक्षक वन्तको भनाई छ । उनीहरुलाई बुधबार जिल्ला प्रहरी कार्यालय पठाइएको छ ।
