कृषिमन्त्री भन्छिन् ‘मलको अभाव छैन, ढुवानीको समस्या समाधान भैसक्यो’

 

काठमाडौं । किसानले खेत बारीमा हाल्ने रसाइनिक मल नपाएको गुनासो गरिरहेको बेला कृषि तथा पशुपंक्षी विकास मन्त्री पद्माकुमारी अर्यालले यो सिजनमा मल अभाव नभएको बताएकी छिन् ।

खेती सुरु भएपछि समेत सरकारले किसानलाई मल दिन नसकेको भन्ने समाचार आएपछी कृषिमन्त्री अर्यालले आज (शुक्रबार) कृषि सामग्री कम्पनी लिमिटेडको मल खाद्य गोदामको अनुगमन÷निरिक्षण गरेकी थिइन् ।

कम्पनीमा मौज्दात रहेको मलको निरिक्षणपछि आयोजीत पत्रकार सम्मेनलाई सम्बोधन गर्दै मन्त्री अर्यालले यो सिजनका लागि मलको कुनै समस्या नभएको बताइन् । कोभिड–१९ का दोस्रो लहरको प्रकोपका कारण सरकारले गरेको निषेधाज्ञाले केही जिल्लाहरुमा मलको ढुवानीमा समस्या देखिएको भएपनि गुनासो आउनेबित्तिकै त्यसको समाधान गरिएको मन्त्री अर्यालले दावी गरिन् ।‘यो सिजनको बाली लगाउने प्रयोजनका निम्ती साउनसम्म हामीसँग मल स्टक छ । अहिलेसम्मको तथ्यले/प्रमाणले खेतीबाली लगाउनसम्मका लागि कुनै समस्या छैन’, मन्त्री अर्यालले भनिन् ‘मलको बितरणमा समस्या नहोस् भनेर हामीले विशेष ध्यान दिइरहेका छौ ।

कोभिडका कारण बितरणमा केही ठाउँमा समस्या देखिएको भन्ने कुरा आयो । त्यसलाई तत्काल समाधान गर्नेगरी हामी अगाडी बढिसक्यौं अहिले त्यो समस्या पनि समाधान भइसक्यो ।’ कोभिड दोस्रो लहरको प्रकोपका कारण बन्द भएको अवस्थामा बितरणमा समस्या देखिएको गुनासो/टिप्पणी आएपनि अहिले त्यसको समाधान भइसकेको उनको भनाई थियो ।यसको विषयमा मन्त्रीपरिषद्मा समेत छलफल गरेर समाधान गरिएको उनले बताइन् ।

यो सिजनको बाली लगाउने प्रयोजनका निम्ती साउनसम्म हामीसँग मल स्टक छ । अहिलेसम्मको तथ्यले/प्रमाणले खेतीबाली लगाउनसम्मका लागि कुनै समस्या छैन’, मन्त्री अर्यालले भनिन् ‘मलको बितरणमा समस्या नहोस् भनेर हामीले विशेष ध्यान दिइरहेका छौ ।

आफू मन्त्रालयको नेतृत्वमा आएदेखी नै निरन्तर रुपमा मलको अवस्थाका ’boutमा छलफल गर्दै त्यसको व्यवस्थापनमा जुटेको भन्दै मन्त्री अर्यालले मलको बितरण गर्दा दैनिक आपुर्ती र बितरणको अवस्था अद्यावधिक गर्न कृषि सामग्री कम्पनीलाई निर्देशन दिइन् । कोभिडका कारण बन्द रहेको अवस्थामा पनि किसानले गुनासो गर्ने ठाउँ नराखिकन मलको आपुर्तीमा ध्यान दिन उनले कर्मचारीहरुलाई निर्देशन दिइन् । ‘मल ढुवानीमा देखिएको समस्या हामीले तत्काल सहजिकरण गरिसकेका छौ । कोभिड संक्रमणलाई समेत ध्यानमा राखेर कर्मचारीहरुको स्वास्थ्यको समेत ख्याल गर्दै सम्पूर्ण स्वास्थ्य मापदण्ड अपनाएर किसानलाई नियमित रुपमा मल बितरण कार्यमा लाग्नुस’, मन्त्री अर्यालले भनिन् ‘फलाना ठाउँमा जाँदा मल पाइएन भन्ने ढंगले किसानको गुनासो आउने अवस्थाको सिर्जना नहोस् ।यसमा तपाइहरु सचेत रहनुहोला ।’

मलको समस्या छैन : कृषि सामग्री कम्पनी/साल्ट ट्रेडिङ

यसैबीच कृषि सामग्री कम्पनी लिमिटेड र साल्ट ट्रेडिङ कर्पोरेशन लिमिटेडले हाल रासायनिक मलको समस्या नरहेको बताएको छ । मलको हालको अवस्थाको ’boutमा जानकारी दिँदै शुक्रबार यी दुई कम्पनीले मलको समस्या नरहेको जानकारी दिएको हो ।

कृषि सामग्री कम्पनी र साल्ट ट्रेडिङ कर्पोरेशनसँग गरी हाल जम्मा ३५ हजार २ सय ९० मेट्रिक टन यूरिया, ५३ हजार ७ सय ३० मेट्रिक टन डिएपी, ८ हजार ४२ मेट्रिक टन पोटास र ४ सय ४४ मेट्रिक टन कृषि चुन रासायनिक मल मौज्दात रहेको जानकारी दिएको हो । त्यस अवसरमा ६५ हजार मेट्रिक टन यूरिया मल मार्गस्थलमा रहेको र असार महिनाभित्रै प्राप्त हुने अवस्था रहेको जानकारी दिइएको थियो ।

जम्मा मौज्दात रहेको रासायनिक मलमध्ये कृषि सामग्री कम्पनी लिमिटेडसँग २० हजार ८६ मेट्रिक टन यूरिया, ३९ हजार २ सय ८६ मेट्रिक टन डिएपी, ४ हजार १ सय ४६ मेट्रिक टन पोटास र ४ सय ४४ मेट्रिक टन कृषि चुन मौज्दात रहेको कम्पनीका प्रबन्ध सञ्चालक नेत्रबहादुर भण्डारीले जानकारी दिए । त्यस्तै साल्ट ट्रेडिङ कर्पोरेशनसँग हाल १५ हजार २ सय ४ मेट्रिक टन यूरिया, १४ हजार ४ सय ४४ मेट्रिक टन डिएपी र ३ हजार ८ सय ९६ मेट्रिक टन पोटास रासायनिक मल मौज्दात रहेको कर्पोरेशनका प्रमुख कार्यकारी अधिकारी उर्मिला श्रेष्ठले जानकारी दिइन् । रासायनिक मलको अभाव नरहेको र ढुवानीमा देखिएको समस्या पनि सरकारले समाधान गरिसकेकाले ढुक्क रहन कम्पनीका प्रबन्ध सञ्चालक भण्डारीले जानकारी दिए ।

तपाइको प्रतिक्रिया
(Visited 111 times, 1 visits today)

Ads Space Available

epaper

भर्खरै

जसपा नेपाल निर्वाचनमा एक्लै लड्ने

कुरी-कुरी