उच्च रक्तचापले बेहोस भएकी महिलाले जन्माइन् सन्तान

 

दोलखा । उच्च रक्तचापको कारण बेहोस भएर ढलेकी महिलाको शल्यक्रिया गरी चरिकोट अस्पतालले सकुशल सुत्केरी गराएको छ । शल्यक्रियापछि बच्चा र बच्चाको स्वास्थ्य स्थिती सामान्य रहेको अस्पतालले जनाएको छ । डाक्टर बिनोद दंगालको टिमले महिलाको अप्रेशन गरेको थियो । ‘आमा र बच्चा दुवैले नयाँ जीवन पाएको’ चर्चा चलेको छ अहिले ।

‘हल्का चेत रहेछ, बच्चा पाएपछि भोलीपल्ट मात्रै थाहा पाएँ अस्पतालमा रहेछु ।’ बैत्यश्वर ५ की सावित्री खड्काले भन्निन् । सावित्री बहोस भएर ढलेपछि वान हर्ट वोल्ड वाईडमा काम गर्ने स्टाप नर्स साधना थापालाई गाउलेहरुले खबर गरेका थिए । तत्काल एम्बुलेन्स मार्फत उनको उद्धार गरी चरिकोट अस्पातल लगिएको थियो ।

सानीआमा राधिकाले स्वास्थ्यचौकी लैजाँदा बच्चाको धडकन कम र आमाको बढी भएको जानकारी दिएको जानकारी दिँदै भनिन् ‘त्यसपछि बेहोस् अवस्थामै वान हर्ट वोल्ड वाईड संस्थाले उद्धार गर्यो ।

वान हर्टमा संस्थाले मातृ तथा नवजात शिशु मृत्यूदरमा कमी ल्याउन टेवा पुगोस भन्ने उदेश्यले २०७७ साउनबाट दोलखा जिल्लामा एमएन एच कार्यक्रम सुर गरेको छ । सो कार्यक्रमका कारण चरिकोट अस्पतामा ५६ र जिरी अस्पतालमा ४ गर्भवतीले सुत्केरी सेवा पाएका छन् । लकडाउनको समयमा पनि बर्थिङसेन्टरहरुमा परार्मश सेवा प्रदान गर्दै १० जना गर्भवतीले सुत्केरी सेवा पाएका छन् ।

गभर्वती महिलाहरुलाई केही अप्ठ्यारो परे वान हर्ट वोल्ड वाईड संस्थाले हेल्पलाईन सेवा समेत प्रदान गर्दे आएको छ । स्वयम गर्भवती तथा स्वास्थ्य संसथाले गर्भवती सम्बनधी जस्तो सुकै समस्या बताए पनि यो संस्थाले सहयोग गर्दै आएको वान हर्ट वोल्ड वाईड संस्थाका जिल्ला संयोजक गौरव आचार्य बताए ।

अस्पतालमा कोभिडको समयमा गर्भवती, सुत्केरी महिलासंग नर्स कार्यक्रम, नियमित गर्भ चेक जाँच, सुत्केरी जाँच जस्ता कार्यक्रम संचालन हुँदै आएको चरिकोट अस्पतालका प्रमुख डाक्टर बिनोद दंगालले जानकारी दिए ।

 

 

तपाइको प्रतिक्रिया
(Visited 72 times, 1 visits today)

Ads Space Available

epaper

भर्खरै

दाजुभाई मिलेर बहिनीको प्रेमीको हत्या

कुरी-कुरी