काठमाडौं । शिक्षा पत्रकार सञ्जालका सदस्य दिपक अर्यालसहितका पत्रकारमाथि दुरव्यवहार भएको छ । समाचार संकलनका क्रममा काठमाडौंस्थित प्यारागन पव्लिक स्कुलको व्यवस्थापनले हातपात गरेका हुन् । सञ्जालका अध्यक्ष प्रकृति अधिकारीले विज्ञप्ती जारी गर्दै ध्यानाकर्षण गराएका छन् ।

विज्ञप्तिमा भनिएको छ, आक्रमणको निन्दा गर्दै तोडफोड भएका सामाग्रिको क्षतिपूर्तिका लागि विद्यालयसंग माग गर्दछौं । घटनालाई नागरिक सूसूचित हुन पाउने अधिकारमाथिको आक्रमणका रुपमा लिँदै स्कुल व्यवस्थापनले तत्काल माफि माग्न र संवैधानिक अधिकारको सम्मान गर्न स्कुल व्यवस्थापनको गम्भिर ध्यानाकर्षण गराउँछौं ।’

सो क्रममा विद्यालयका अधिकारीले अर्याल सहित पत्रकार सुरेन्द्र बहादुर गुरुङ, सरोज पौडेल, सुरेश रजक, सितल रिजालमाथि आक्रमण भएको भन्दै सञ्जालले निन्दा गरेको छ ।