काठमाडौं । स्वास्थ्य तथा जनसंख्या मन्त्रालयले १८ वर्षमाथिका सबै नागरिकलाई कोरोना खोप दिने योजना बनेको बताएको छ । खोप व्यवस्थापन भइरहेको र यही साउन १५ गतेसम्म ३२ लाख भेरोसेल खोप नेपाल आइसक्ने मन्त्रालयले जनाएको छ ।
सरकारले हालै मात्र चिनियाँ कम्पनी सिनोफार्मसँग ४० लाख डोज खोपका लागि नन डिस्क्लोजेबल एग्रिमेन्ट गरेको थियो । त्यसअनुसार ८ लाख डोज खोप आइसकेको छ भने साउन ६ गतेदेखि थप खोप आपूर्ति हुनेछ । मन्त्रालयका सह–प्रवक्ता डाक्टर समिरकुमार अधिकारीले विज्ञप्ति जारी गर्दै सबैले खोप लगाउन पाउने उल्लेख गरेका छन् ।
जारी विज्ञप्तीमा उल्लेख भए अनुसार हाललाई ५५ वर्ष भन्दा माथीका विश्वविद्यालयका प्राध्यापक शिक्षकदेखी सवारीसाधनका कर्मचारी समेतले पाउनेछन् । त्यस्तै एकडोज मात्रै लाए पुग्ने जानसेनको खोप ५० देखी ५४ वर्ष उमेर समुहका अपाङ्गता भएकादेखी शरणार्थी समेतले लगाउन पाउने भएका छन् ।
