देउवालाई असफल बनाउने ओलीको योजना यसरी तुहिएको थियो

 

काठमाडौं । प्रधानमन्त्री शेरबहादुर देउवालाई विश्वासको मत नदिएर सर्वाेच्च अदालतलाई संदेश दिने नेकपा एमाले अध्यक्ष एवं केपी शर्मा ओलीको योजना संसदको ग्यालरी बैठकमा तुहिएको थियो । ३ साउन विहान अध्यक्ष ओली र जसपा नेता महन्थ ठाकुर तथा राजेन्द्र महतोले विश्वासको मत असफल पार्ने योजना बनाएका थिए । तर त्यो योजना एमाले बरिष्ठ नेता माधवकुमार नेपालले तुहाइदिएका छन् ।

सर्वाेच्च अदालतको आदेशअनुसार ३ साउनमा विघटित प्रतिनिधि सभाको बैठक बस्दै थियो । बैठक बस्नु भन्दा एक दिनअघि बानेश्वरमा पाँच दलिय गठबन्धनका शीर्ष नेताबीच गोप्य छलफल भयो । छलफलले पहिलो दिन नै विश्वासको मत लिने निर्णय गर्यो ।

पहिलो दिन नै विश्वासको मत लिने पाँच दलका शीर्ष नेताको गोप्य सुचना एमाले अध्यक्ष ओली ३ गते विहान पाए । लगतै जसपा नेता ठाकुर र महतोलाई बालकोटमा निम्तो दिए । ओलीको निम्तो पाएपछि ठाकुर र महतोसहितका जसपा नेताहरु बालकोट पुगे ।

प्रचण्डलाई नेपालकाे सन्देश

वालकोटमा ओली, ठाकुर र महतोसहितका नेताहरुले योजना बनाइरहेका बेला नेपाली कांग्रेसले विश्वासको मत लिने प्रस्ताव संसद सचिवालयमा दर्ता गरिसकेको थियो । प्रस्ताव दर्ता भएपछि देउवाले आजै विश्वासको मत लिनेमा ओली ठाकुर ढुक्क भए । त्यसपछि बालकोटमा योजना बन्यो महन्थ राजेन्द्र पक्षले विश्वासको मत दिने घोषणा गर्ने तर नदिने ।

महन्थ ठाकुर पक्षले विश्वासको मत दिए देउवालाई प्रधानमन्त्री बन्न एमालेको मत आवश्यक थिएन । नेपाल पक्षलाई यही बहानामा रोक्ने र संसदबाट बाहिर पठाउने योजना थियो । नेपाल पक्षधर सांसदहरुले संसद पनि बचाउने र एमाले एकता पनि जोगाउने बताउँदै आएका थिए । ठाकुर पक्षले देउवालाई विश्वासको मत दिने घोषणा गरेलगतै वरिष्ठ नेता नेपालमाथी उनकै समुहले दवाव बढायो । तर बालकोट योजनाको सुचना नेता नेपालले जानकारी पाइसकेका थिए । प्रधानमन्त्री देउवा र माओवादी केन्द्रका अध्यक्ष प्रचण्डलाई उनले सन्देश पठाइसकेका थिए । उनले आफ्नो समुहका कुनैपनि नेता र सांसदलाई यो कुराको जानकारी दिएनन् ।

भीम रावल र नेपालकाे ठाकठुक

ठाकुर पक्षले विश्वासको मत दिने भएपछि नेपाललाई रोक्न दुवै पक्षका नेताहरु सक्रिय भए । सवैभन्दा नजिकका विश्वास पात्र भीम रावलसँग नेपालको ठाकठुक नै पर्यो । त्यही आवेगमा रावलले सांसद पदबाट राजीनामा समेत दिए ।

उता बालकोटबाट फर्केपछि महन्थ राजेन्द्र जसपाको बैठक बस्यो । बैठकले देउवालाई विश्वासको मत दिने निर्णय गर्यो । तर आफ्ना सवै सांसदलाई एमालेको माधव नेपाल समुहले देउवालाई मत नदिँदासम्म आआफ्नै स्थानमा बस्ने, नेपाल समुहले नदिए तटस्थ बस्ने र विश्वासको मत तुहाउने भनियो । नेपाल समुहले दिए आफुहरुले पनि दिने निर्देशन सांसदहरुलाई दिइयो । त्यही निर्देशनअनुसार जसपा सांसदहरु अन्तिम समयसम्म आआफ्नै स्थानमा बसिरहेका थिए । जसपाका सांसदतिर प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डले हेरिरहेका थिए ।

महन्थ कार्ड खेलेर ओलीले नेपाल पक्षका ८ सांसदलाई संसदबाट बाहिर पनि पठाए । तर ओलीका चाल बुझेका नेपाल संसदको पछिल्लो रोहमा बसेर अदालतको सम्मान र संसद जोगाए । नेता नेपाल नै विश्वासको मत दिने स्थलमा पुगेपछि ओलीको योजना तुहियो । नेता नेपालसहितका २२ सांसदले विश्वासको मत दिएपछि ठाकुर पक्ष पनि विश्वासको मत दिन लाइन लागेको थियो ।

तपाइको प्रतिक्रिया
(Visited 238 times, 1 visits today)

Ads Space Available

epaper

भर्खरै

सांसदकाे आरोपप्रत्यारोपले संसद बैठक स्थगित

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
निर्वाचन रोकिन सक्ने प्रमुख निर्वाचन आयुक्तको आशंका