मुम्बई । बलिउड फिल्म निर्माता तथा अभिनेत्री शिल्पा सेठ्ठीका श्रीमान राज कुन्द्राको समूहले ठूलो मात्रामा पोर्न फिल्म बनाएर पोर्न फिल्मको व्यवसाय सञ्चालन गरेको प्रहरीले जनाएको छ ।

राज कुन्द्रालाई अश्लील फिल्म बनाएको आरोपमा चार दिनअघि मुम्बईमा पक्राउ गरेको हो । पक्राउ पछि कुन्द्राको कार्यालय र उनका सहायकको कार्यालयमा अनुसन्धान गर्दा ७० अश्लील सिनेमा भेटिएको प्रहरीले जनाएको छ ।

मुम्बई प्रहरीले राज कुन्द्राका सहायक उमेश कामतलाई पनि पक्राउ गरेर अनुसन्धानमा राखेको छ । उमेशको बयानका आधारमा प्रहरीले अनुसन्धान गर्दा ७० वटा पोर्न फिल्म भेटिएको मुम्बई प्रहरीले जनाएको छ ।

अनुसन्धानका क्रममा राज कुन्द्रा र उमेश कामतले विभिन्न प्रोडक्सन कम्पनीमार्फत पोर्न फिल्म बनाएर उनीहरूले आन्तरिक रूपमा पोर्न फिल्मको व्यवसाय सञ्चालन गर्दै आएको पाइएको प्रहरीले जनाएको छ ।

राज कुन्द्रा र उमेश कामत पक्राउ परेपछि अन्य उनीहरूमार्फत अश्लील फिल्म बनाउने अन्य प्रोडक्सन हाउसमाथि पनि प्रहरीले निगरानी राखेको छ । कुन्द्रासँग जोडिएका अन्य प्रोडक्सन हासउसँग सम्बन्धित व्यक्तिलाई पनि प्रहरीले सोधपुछ गरिरहेको छ ।

प्रहरीले राज कुन्द्राको सम्पत्तिको परीक्षण सुरु गरेको छ । उनको खातामा दैनिक ठूलो मात्रामा पैसा आउने गरेको प्रहरीले जनाएको छ । प्रहरीले अहिले राज कुन्द्रको खाता रहेको सबै बैंकसँग उनको खाताको विवरण मागेको छ ।

प्रहरीले अहिले पनि कुन्द्रा’bout अनुसन्धान जारी राखेको बताएको छ । उनको पहिलो चरणको अनुसन्धान सकिएकाले अब शुक्रबार उनलाई अदालतमा प्रस्तुत गरिने मुम्बई प्रहरीले जनाएको छ ।

यता श्रीमान राज कुन्द्रालाई पक्राउ गरेर प्रहरीले हिरासतमा लिएपछि अभिनेत्री शिल्पा सेट्ठी अहिले निकै तनावमा छिन् । श्रीमानले त्यस्तो कार्य नगरेको र उनका सहयोगीले आफ्नो अपराध लुकाउन आफ्ना श्रीमान राज कुन्द्राको नाम जोडेको प्रतिक्रिया दिएकी छन् ।

अहिले पोर्न फिल्मको यो काण्डले बलिउडलाई हल्लाइदिएको छ । राम्रो फिल्म बनाउने निर्माताका रूपमा परिचित कुन्द्रा अहिले अश्लील फिल्म निर्माण प्रकरणमा पक्राउ परेपछि अन्य सिनेकर्मी यो घटनाले चकित भएका छन् ।