भ्वाइस अफ नेपालकाे फाइनलमा चार प्रतिस्पर्धी छानिए

काठमाडौं । कोरोनाको महामारीपछि गत वैशाखको तेस्रो साताबाट रोकिएको गायन रियालिटी सो ‘द भ्वाइस अफ नेपाल’ एक महिनाबाट प्रसारण हुँदै आएको छ । भ्वाइस अफ नेपालको सिजन–३ यतिबेला फाइनलमा पुगेको छ । नेपालमा प्रत्यक्ष गायनसम्बन्धी यो महत्वपूर्ण रियालिटी सो हो ।

भ्वाइस अफ नेपाल तेस्रो सिजनको फाइलनमा चार जना चयन भएका छन् । एसएमएस र प्रभु पेमार्फत देश–विदेशबाट एक साता गरेको भोटिङका आधारमा यी अन्तिम प्रतिस्पर्धी छानिएका हुन् ।

शुक्रबार साझ भएको भोटिङको नतिजाअनुसार द भ्वाइसले टप चार प्रतिभा पाएको हो । सेमिफाइनलमा द भ्वाइसको नियमअनुसार चार जना कोचबाट एकएक जना प्रतिभा फाइनलका लागि चयन गरिएको छ ।

यतिबेला भ्वाइस अफ नेपाल सिजन–३ का लागि टिम राजुबाट काठमाडाैँका सोनाम शेर्पालाई उछिन्दै बाग्लुङकी तारा श्रीष मगर फाइनल प्रवेश गरेकी छन् । टिम तृष्णाबाट अफ्रिता खड्गीलाई उछिन्दै ज्वाला राई फाइनलमा प्रवेश गरेका छन् । यसैगरी टिम प्रमोदबाट सिक्किमका रवि गहतराजलाई उछिन्दै अमेरिकाबाट आएका किरण गजमेर फाइनलमा प्रवेश गरेका छन् । यो प्रतियोगितामा टिम दीप श्रेष्ठबाट बुटवलका गोविन्द पुनलाई उछिन्दै दार्जलिङका आर्यन तामाङ फाइनल प्रवेश गरेका छन् । अबको फाइनलमा यी चार प्रतिस्पर्धीले आफ्नो प्रस्तुति दिने भएका छन् ।

यी चार प्रतियोगीले शनिबार पनि आफ्नो प्रस्तुति दिएका छन् । यो प्रस्तुतिलाई आधार बनाएर अर्को शनिबार हुने ग्रान्ड फिनालेका लागि दर्शकले अब भोटिङ गर्नेछन् । अब दर्शकको भोटको आधारमा अर्को साता द भ्वाइस अफ नेपाल सिजन–३ को विजेता घोषणा गरिने आयोजक पक्षले जनाएको छ । यो प्रतियोगिता हरेक शुक्रबार र शनिबार हिमालय टेलिभिजनबाट प्रसारण हुँदै आएको छ ।

तपाइको प्रतिक्रिया
(Visited 264 times, 1 visits today)

Ads Space Available

epaper

भर्खरै

नेतृ रेखा थापाद्वारा राप्रपाको विशेष महाधिवेशन माग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
आचारसंहिता पालना गर्ने लुम्बिनीका दलहरुको प्रतिवद्धता