लन्डन । काराबाओ कप फुटबलमा गएराति आर्सनल, साउथह्याप्टन र बर्न्ले विजयी भएका छन् । लण्डन क्लब आर्सनलले वेष्ट ब्रोमलाई उसैको मैदानमा ६–० ले हरायो । आर्सनलको जितमा पिएरे एमरिक औबामायङ्गले ह्याट्रिक गर्दा मार्टिन ओडेगार्ड, माइटल्याण्ड नाइल्स र निकोलस पेपेले एक एक गोल गरे ।

लिग कप पनि भनिने प्रतियोगिताको अर्को खेलमा साउण्थह्याम्पटनले न्युपोर्ट काउन्टीलाई ८–० ले पाखा लगायो । इंग्लीश फुटबलको चौथो श्रेणीको न्युपोर्टमाथि हात पारेको यो जित साउथह्याम्पटनको लागि अहिलेसम्मकै ठूलो जित हो ।

लिग कपकै अर्को खेलमा न्युकासल युनाईटेडलाई पेनाल्टी शुट आउटमा ४–३ ले हराउँदै बर्न्ले पनि चौथो चरणमा उक्लिएको छ ।