अपहरणको आरोप लागेका चार जनाको शव तालिबानले ‘सार्वजनिक स्थानमा झुन्ड्याइदियो’

 

काबुल। अफगानिस्तानको हेरात सहरमा तालिबानले अपहरणमा संलग्न चार जनाकाे शवलाई सार्वजनिक स्थानमा झुन्ड्याएका छन् ।

तालिबानका एक अधिकारीले मृत्युदण्ड र अङ्गच्छेनजस्ता कठोर दण्ड फेरि दिन थालिने चेतावनी दिएको भोलिपल्ट उक्त घटना भएको हो।

एक व्यापारी र उनका छोरालाई अपहरण गरेको आरोप लागेका ती चार जनाको एउटा भिडन्तमा मृत्यु भएको एक स्थानीय अधिकारीले बताएका छन्। समाचारसंस्था एपीलाई प्रत्यक्षदर्शीले हेरातको केन्द्रमा एउटा क्रेनमा शव झुन्ड्याइएको आफूले देखेको बताएका छन्।

त्यहाँ पसल सञ्चालन गर्ने वजिर अहमद सिद्दिकीले एपीलाई बताएअनुसार उक्त स्थानमा चारवटा शव ल्याइएको र त्यहाँ एउटा झुन्ड्याइएको थियो भने बाँकी तीन वटालाई सहरका अन्य स्थानमा देखाउन लगिएको थियो।

हेरातका सहायक गभर्नर मौलवी शैर अहमद एमरलाई उद्धृत गर्दै स्थानीय सञ्चारमाध्यमले तालिबान लडाकुहरूले अपहरणको आरोप लागेका ती मानिसलाई फेला पारेको र गोली हानाहानमा उनीहरूको मृत्यु भएको जनाएका छन्।

“हामीले अरू अपहरणकारीलाई चेतावनी दिन तिनका शवलाई हेरातका चोकहरूमा झुन्ड्यायौँ,” उनले भनेका छन्।

ती मानिसको मृत्यु भएको परिस्थितिमा बीबीसीले स्वतन्त्रतापूर्वक पुष्टि गर्न सकेको छैन। तर सामाजिक सञ्जालमा प्रेषित बीभत्स तस्बिरमा एउटा पिकअप ट्रकको पछाडिपट्टि रक्ताम्मे शवहरू राखिएको र एउटा क्रेनले एउटा शव उठाइरहेको देखिन्छ।

अर्को एउटा भिडिओमा एक व्यक्तिको शव झुन्ड्याइको र उनको छातीमा “अपहरणकारीहरूलाई यसरी दण्ड दिइन्छ” लेखिएको देखिन्छ।

गत अगस्ट १५ मा सत्ता आफ्नो हातमा लिएपछि तालिबानले पहिलाको जस्तो कठोर नभई अलि नरम शासन गर्ने बताउँदै आएको छ। तर देशका विभिन्न स्थानबाट मानवाधिकार उल्लङ्घन गरिएका अनेकौँ विवरण प्राप्त भएका छन्।

तालिबान सरकारमा कारागार प्रमुख बनाइएका मुल्लाह नूरुद्दिन तुराबीले “सुरक्षाका लागि आवश्यक भएको” भन्दै मृत्युदण्ड र अङ्गच्छेनको सजाय फेरि थालिने बिहीवार घोषणा गरेका थिए।

एपीसँगको अन्तर्वार्तामा उनले त्यस्ता दण्डहरू सन् १९९० को दशकमा तालिबान शासनकालमा जसरी सार्वजनिक रूपमा भने नदिइने सम्भावना व्यक्त गरेका थिए।

तालिबानले आफ्नो पाँचवर्षे शासनकालमा काबुलको रङ्गशाला तथा इद गाह मस्जिदको मैदानमा बारम्बार सार्वजनिक मृत्युदण्ड दिने गरेको थियो।

तर मुल्लाह नूरुद्दिन तुराबीले विगतमा दिइएका मृत्युदण्डप्रति व्यक्त आक्रोशलाई बेवास्ता गर्दै भने, “हाम्रो कानुन कस्तो हुनुपर्छ भन्ने कसैले हामीलाई भन्ने हैन।”

उनी विगतका गतिविधिका कारण संयुक्त राष्ट्रसङ्घको प्रतिबन्धसम्बन्धी सूचीमा छन्। पहिला उनी तालिबानको “नैतिकता प्रहरी”का प्रमुख थिए।

“रङ्गशालामा दिइएका दण्डका कारण सबैले हाम्रो आलोचना गरे। तर हामीले उनीहरूका कानुन र दण्डबारे केही भनेका छैनौँ,” उनले भने।

गत महिना अल्पसङ्ख्यक हजारा समुदायका नौ सदस्यको हत्यामा तालिबान लडाकुहरू संलग्न भएको एम्नेस्टी इन्टरन्याश्नलले जनाएको थियो।

उक्त संस्थाका महासचिवले “क्रूरतापूर्वक” गरिएका ती हत्याले तालिबानको विगत र तालिबानको शासनमा फेरि के हुनसक्छ भन्ने सङ्केत गरेको बताएका थिए। बीबीसीबाट

तपाइको प्रतिक्रिया
(Visited 1 times, 1 visits today)

अन्य समाचार पनि पढ्नुहोस्

महाधिवेशन वैचारिक बनाऊ
कोरोनाको जोखिम कम नहुँदै सप्तरीमा थपियो बाढीको जोखिम
पहिरो अवलोकनमा पुगेका बुटवलका मेयर स्थानियबाट कुटिए
तुलसीपुर मेट्रो हस्पिटललाई ४६ लाखको स्वास्थ्य उपकरण
अनियन्त्रित बन्दै कोरोना
पहिरोका कारण नारायणगढ–मुग्लिन सडक अवरुद्ध

आजको समाचार

महाअभियोगको सामना गर्न प्रधानन्यायाधीश जबरा तयार
कंगनाले चौथो पटक जितिन नेशनल अवार्ड
भीम रावललाई ओलीको सन्देश : लेखराज भट्टलाई छाड्न सकिँदैन

साताका लोकप्रिय समाचार

महाअभियोगको सामना गर्न प्रधानन्यायाधीश जबरा तयार
यहि श्रावण १७ र १८ गते शैक्षिक मेला हुँदै ,४२ भन्दा धेरै कलेजले भाग लिने
उपराष्ट्रपतिकी श्रीमती पक्राउ

ट्रेन्डिङ

epaper

प्रमुख

आज देशभर एमाले पालिका अधिवेशन, अध्यक्ष ओलीले भर्चुअल उद्घाटन गर्ने
स्थानीय तहको निर्वाचन ५ चैतमा प्रस्ताव
परिचय नखुलेका व्यक्तिलाई भाडामा बस्न नदिन गृह मन्त्रालयको आग्रह
नेपाल बारको निष्कर्ष : प्रधानन्यायाधीशले निकास दिनुपर्ने

भर्खरै

महाअभियोगको सामना गर्न प्रधानन्यायाधीश जबरा तयार
Kumar Raut || 26 October 2021
काठमाडौं । प्रधानन्यायाधीश चोलेन्द्रशमशेर जबरासँग कुरा नमिलेपछि १४ न्यायाधीशको छुट्टै बैठक सुरु भएको छ । सर्वोच्च अदालतमा...

कुरी-कुरी