यस वर्ष खुल्यो कालभैरव मन्दिर, भक्तजनको घुइँचो

बलेवा । नवरात्र सुरु भएदेखि नै दर्शनार्थीको घुइँचो लागेको बलेवा कालभैरवको मन्दिरमा यस वर्षको नवमीमा विगतका वर्षमा भन्दा धेरै भक्तजनको घुइँचो लागेको छ । यहाँ अवस्थित कालभैरवको दर्शन गर्न गण्डकी प्रदेशका अधिकांश जिल्ला तथा छिमेकी प्रदेशबाट समेत दर्शनार्थी आएका छन् ।

आफूले गरेका भाकल पूरा हुने जनविश्वास रहेकाले बलेवाका कालभैरवको दर्शन गर्न आउने गर्दछन् । अघिल्ला दुई वर्ष कोरोना महामारीले सुनसान जस्तै बनेको बागलुङ नगरपालिका– १२ अमलाचौरमा रहेको प्रसिद्ध कालभैरव मन्दिरमा नवरात्र सुरु भएपछि दर्शन गर्नेको चहलपहल बढेको यस मन्दिरको व्यवस्थापन गुठीले जनाएको छ । बागलुङ नगरपालिका–१२ का वडाध्यक्ष गुरुदत्त पाठकले दुई वर्षपछि मन्दिर खुलेकाले यस वर्ष यहाँका स्थानीय तथा अन्य दर्शनार्थी खुसी भएको बताउनुभयो ।

यहाँ विशेषगरी नवरात्रको सुरुआतदेखि मन्दिरमा दर्शनार्थी पुग्ने गर्छन् । यहाँ नवमीको दिन मात्रै पाँच हजार धेरै दर्शनार्थीले पूजाआजा गरेका छन् । बलि र साधारण दुवै पूजाका लागि यहाँ दर्शनार्थी पुगेका हुन् । बलेवा कोटको पूजा र कालभैरवको दर्शनका लागि पुग्नेहरुको सङ्ख्या उल्लेख्य रहेको स्थानीयवासी राम पाठकले बताउनुभयो ।

तत्कालीन बलेवा कोट अन्तर्गतका हालका ६ वटा वडाका अधिकांश सर्वसाधारण नवमीकै दिन बलेवा कालभैरवको मन्दिर दर्शनका लागि पुग्ने गरेका हुन् । “हाम्रो पूजाआजा र भेटघाट गर्ने थलो हो भैरवस्थान, पुराना साथीभाइ र इष्टमित्र भेटघाट यहीँ हुन्छ वर्षमा एक पटक,” बलेवाका इन्जिनियर विनोद शर्माले भन्नुभयो । यहाँ दसैँमा हाँस, कुखुरा, बोका, पाडाको बलि दिइन्छ भने चामलको पीठोको रोट तथा नरिवल भैरवलाई प्रसादस्वरुप चढाउने प्रचलन छ । धार्मिक तथा पर्यटकीय क्षेत्र कालभैरव मन्दिर पुग्ने सडक निर्माण भएपछि पहिलेको भन्दा धेरै दर्शनार्थी यहाँ पुग्ने गरेको स्थानीयवासीको अनुभव छ । मन्दिर परिसरको व्यवस्थापन, बलि र रोटको राम्रो व्यवस्थापन गरिएकाले पनि दर्शनार्थीले सहजै यहाँ पूजाआजा गर्न सक्छन् ।

ध्वजाले पुरिएको कालभैरवको मूर्ति देख्न पाइँदैन । गुप्त रहेको मूर्तिमा पूजाआजा गर्दा भाकल गरेको सबै प्राप्ति हुने जनविश्वास छ । यस्तै बागलुङ कालिका भगवती मन्दिरमा पनि दर्शनार्थीको भीड लागेको छ । भीड नियन्त्रणका लागि गुठी व्यवस्थापन समितिले स्वयंसेवक परिचालन गरेको छ । बलेवा कोटअन्तर्गतका वडाहरुमा नयाँ धानको चामल खाने र नयाँ धान काट्न सुरु गर्ने शुभ दिनसमेत तोकिएको छ । हरेक वर्ष नवमीका दिन बलेवा क्षेत्रका ज्योतिष तथा पण्डितहरुको भेला बलेवा कोटमा बसेर नयाँ चामल खाने (न्वागी) तथा धान काट्ने उत्तम साइत (पुली लिने) दिन तोक्ने प्रचलन छ ।

रासस

तपाइको प्रतिक्रिया
(Visited 1 times, 1 visits today)

अन्य समाचार पनि पढ्नुहोस्

विवाहपञ्चमीले राष्ट्रिय एकताको भावना जागृत गरेको राष्ट्रपतिको विश्वास
पशुपतिनाथ र श्रावण महिना
कोरोना संक्रमणबाट भक्तपुर, चितवन र झापामा ३ जनाको मृत्यु
श्रीराम सुगर मिल्सले शुक्रबारदेखि भुक्तानी दिने
बेलायत,जर्मनी र क्यानाडा उड्दै नेपाल एयरलाइन्स
सिटिजन्स बैंकद्वारा आर्थिक सहयोग

आजको समाचार

कसले बुझिदेला मुटु रोगी पार्वतीका दुःख
‘बाजुरा बैकुण्ठ रैछ’
इलाममा पत्नी र छोरीको टोकेर हत्या

साताका लोकप्रिय समाचार

कसले बुझिदेला मुटु रोगी पार्वतीका दुःख
यहि श्रावण १७ र १८ गते शैक्षिक मेला हुँदै ,४२ भन्दा धेरै कलेजले भाग लिने
उपराष्ट्रपतिकी श्रीमती पक्राउ

ट्रेन्डिङ

epaper

प्रमुख

इलाममा पत्नी र छोरीको टोकेर हत्या
प्रदेश २ मा विश्वविद्यालयसम्बन्धी अध्यादेश सिफारिस
आज देशभर एमाले पालिका अधिवेशन, अध्यक्ष ओलीले भर्चुअल उद्घाटन गर्ने
स्थानीय तहको निर्वाचन ५ चैतमा प्रस्ताव

भर्खरै

कसले बुझिदेला मुटु रोगी पार्वतीका दुःख
Kumar Raut || 26 October 2021
बैतडी । बैतडीको पाटन नगरपालिका–५ बसन्तपुरकी ४८ बर्षीय पार्वती ठगुन्ना मुटु रोगबाट पीडित छिन् । गंगालाल मुटुरोग अस्पताल काठमाडौंका...

कुरी-कुरी