देउवाको हस्तक्षेमा एउटै पालिकामा दुई उम्मेद्वार सिफारिस गरेपछि काँग्रेस कैलालीमा विवाद

टीकापुर(कैलाली) । यही बैशाख ३० गते हुने स्थानीय तहको निर्बाचनमा टिकट वितरणको विषयलाई लिएर नेपाली काँग्रेस कैलालीमा आन्तरिक विवाद देखिएको छ ।

नेपाली कांग्रेस सुदूरपश्चिमका सभापति वीरबहादुर बलायरले गरेको निर्णयमाथि प्रधानमन्त्रीसमेत रहेका सभापति शेरबहादुर देउवाले हस्तक्षेप गरेर एउटै पालिकामा दुई उम्मेदवार सिफारिस गरेपछि काँग्रेसभित्र समस्या सृजना भएको छ ।

कैलालीको लम्की–चुुहा नगरपालिकाको नगरप्रमुख र घोडाघोडी नगरपालिकाको उपप्रमुखमा दुई जनालाई टिकट दिएपछि विवाद भएको छ । यी दुवै पालिकामा आधिकारिक उम्मेदवारको विषयमा टुंगो लागेको छैन् ।

प्रदेश सभापति बलायरले लम्कीको मेयरमा भक्तबहादुर थापालाई टिकट दिएर उम्मेदवार बनाएका थिए भने सभापति देउवाले सुशीला शाहीलाई दिएपछि विवाद भएको हो ।

त्यहाँ सो नगरपालिकाको नगरप्रमुखमा दुवै जनाको उम्मेदवारी परेको मुख्य निर्वाचन अधिकृतको कार्यालयले जनाएको छ । घोडाघोडी नगरपालिकाको उपमेयरमा बलायरले रिता चौधरी र देउवाले गुलिया चौधरीलाई टिकट दिएपछि आधिकारिक उम्मेदवारको विषयमा समस्या देखिएको छ ।

नेपाली कांग्रेस कैलालीका सभापति नारायणदत्त भट्टले लम्की–चुुहामा सुशीला र घोडाघोडीमा गुलिया नै पार्टीको आधिकारिक उम्मेदवार भएको बताए ।

टिकट वितरणमा अराजक प्रवृत्ति देखाएको भन्दै कांग्रेस कैलालीका उपसभापति खेमराज चौधरी, सचिव नृपबहादुर सुनार र सदस्य प्रकाश बमले विज्ञप्ति जारी गर्दै विरोध जनाएका छन् । उनीहरूले उम्मेदवारको वैधानिकतामाथि समेत प्रश्न उठाएका छन् ।
विगतदेखि नै दुई समूहमा रहेको नेपाली कांग्रेस कैलालीमा हालै सम्पन्न अधिवेशनबाट नेताहरू दुुई खेमामा बाँडिएका छन् । नेपाली काँग्रेस कैलालीभित्र देखिएको गुटका कारण यसको असर आसन्न स्थानीय तहको निर्बाचनमा समस्या देखिने काँग्रेस कार्यकर्ताको चिन्ता छ ।

तपाइको प्रतिक्रिया
(Visited 304 times, 1 visits today)

Ads Space Available

epaper

भर्खरै

संसद्का कर्मचारीको आन्दोलनवारे अर्थमन्त्रीसँग भएको छलफल निष्कर्षविहीन

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
पोखराको मेयर बन्न २३ जनाको मनोनयन