पोखरा । कास्कीको रुपा गाउँपालिकामा नेकपा एमाले निर्वाचित भएको छ । अध्यक्ष र उपाध्यक्ष दुवै पदमा एमालेले विजयी हासिल गर्दै जीत रक्षा गरेको हो । २०७४ सालको चुनावमा पनि एमाले यहाँ विजयी भएको थियो ।
नेकपा एमालेका उम्मेदवार नवराज ओझा ५ हजार ७ सय ४९ मत प्राप्त गर्दै दोस्रो कार्यकालका लागि गाउँपालिका अध्यक्ष निर्वाचित भएका हुन् । उनले सत्ता गठबन्धनबाट नेपाली कांग्रेसकी उपम्मेदवार गीमाया गुरुङलाई करिब १६ सय मतले पराजित गरेका हुन् । गीमायाले ४ हजार १ सय ३७ मत प्राप्त गरिन् ।
यसैगरी, गाउँपालिका उपाध्यक्षमा लालसुव्वा गुरुङले कांग्रेसका नारायण श्रेष्ठलाई करिब १२ सय मतान्तरले पछि पार्दै पुनः निर्वाचित भएकी छन् । लालसुव्वाले ५ हजार ३ सय ३२ र नारायणले ४ हजार १ सय ५३ मत प्राप्त गरे । कुल ७ वटा वडा रहेको कास्कीको सबैभन्दा सानो पालिका रुपामा एमालेले वडा २, ३,४,५, ६ र ७ मा प्यानलसहित चुनाव जितेको छ ।
स्थानीय तह निर्वाचतअन्तर्गत रुपामा कुल १४ हजार ६ सय ७५ मतदातामध्ये १० हजार ३ सय ४४ (७०.४९ प्रशित) मत खसेको थियो ।
