धनराज र मञ्जु जीत नजिक

पोखरा । पोखराको मेयरमा एकीकृत समाजवादीका धनराज आचार्य र उपमेयरमा नेकपा एमालेकी उम्मेदवार मञ्जुदेवी गुरुङ जीत नजिक पुगेका छन् ।

स्थानीय तह चुनाव–२०७९ अन्तर्गत पोखरामा १ लाख ४३ हजार २ सय २६ मत खसेकोमा हालसम्म १ लाख ३० हजार ७ सय ३७ गणनामा मेयरमा आचार्यले र उपमेयरमा गुरुङले अग्रता फराकिलो पारेका छन् ।

पोखराका कुल ३३ वटा वडामध्ये सोमबार राति १० बजेसम्म २८ वटा वडाको अन्तिम मतपरिणाम सार्वजनिक भइसक्दा मात्र ५ वडाको नतिजा आउन बाँकी छ । १० दिनदेखि मत गनिरहेको पोखराले अब १२ हजार ४ सय ९९ मतमात्र गन्दैछ ।

मेयरका जीत नजिक पुगेका आचार्यले एमालेका कृष्ण थापालाई ४ हजार ४ सय ३६ मतले पछि पारेका छन् । आचार्यले ५२ हजार ९ सय ७२ र थापाले ४८ हजार ५ सय ३६ मत ल्याए । मेयरमै राप्रपाका शंकर खरालले ५ हजार ४ सय ६२ र स्वतन्त्र उम्मेदवार गनेस पौडेलले २ हजार ९ सय १९ मत ल्याएका छन् ।

उपमेयरमा एमालेकी गुरुङले नेपाली कांग्रसकी कोपिला रानाभाटलाई ४ हजार २२ मतान्तरले पछि पारेकी छिन् । गुरुङले ५५ हजार ५ सय ४ मत ल्याउँदा रानाभाटले ५१ हजार ४ सय ८२ मत ल्याइन् । उपमेयरमै राप्रपाकी रञ्जना सेनले ५ हजार ४ सय ८२ मत ल्याएकी छिन् । हालसम्मको गणनामा कांग्रेसले २० र एमालेले ८ वटा वडा जितेको छ । पोखरा वडा १८, २१, २२, ३२ र ३३ को गणना जारी रहेको मुख्य निर्वाचन अधिकृतको कार्यालयले जनाएको छ ।

तपाइको प्रतिक्रिया
(Visited 353 times, 1 visits today)

Ads Space Available

epaper

भर्खरै

बीपी र पुष्पलालले हेरिरहेका छन् कि ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
आरजुलाई निर्वाचन आयोगकाे २४ घन्टे स्पष्टीकरण