बर्दिया घटनामा आदेश बिना प्रहरीले गोली चलाएको पाइयो : गृहमन्त्री खाँण

काठमाडौँ । गृहमन्त्री बालकृष्ण खाँणले बर्दिया घटनामा कसैको आदेश बिना नै प्रहरीको गोली चलाएको बताएका छन् ।

बर्दिया घटनाको जानकारी दिने क्रममा प्रतिनिधिसभाको आज (मंगलबार)को बैठकमा गृहमन्त्री खाँणले प्रहरीले गोली चलाएको भए पनि गृह मन्त्रालयबाट गोली चलाउने आदेश नभएको र प्रमुख जिल्ला अधिकारीले पनि आदेश नदिएको जानकारी गराएको बताए ।

‘गोली चलाउने आदेश छँदै छैन, नागरिक प्रदर्शनमा कमभन्दा कम बल प्रयोग गर्नु भन्ने निर्देशन गृह मन्त्रालयबाट भएको छ,’ गृहमन्त्री खाँणले भने, ‘प्रमुख जिल्ला अधिकारीबाट पनि गोली चलाउने आदेश भएको छैन भनिएको छ । नबिना चौधरीको मृत्यु भएको छ । कसको आदेशमा गोली चल्यो, कसरी मृत्यु हुने अवस्था निर्माण भयो ? यथार्थ छानबिनका लागि गृह मन्त्रालयबाट छानबिन समिति गठन भएको छ ।’

उनले घटनाको विवरण बुझाउने क्रममा बर्दिया राष्ट्रिय निकुञ्जमा रहेका घाइते बाघको नियन्त्रण गर्नुपर्ने, वन्यजन्तुबाट बारम्बार हुने आक्रमणबाट बच्न आवश्यक पूर्वाधार बनाउनुपर्ने माग गर्दै आन्दोलन हुँदा सडक अवरुद्ध भएको अवस्थामा घटना घटेको बताए ।

‘यात्रुहरूबाट सडक खोल्नुपर्ने दबाब र आन्दोलनकारीको आक्रोशको बीचमा प्रहरी परेका देखिन्छ,’ खाँणले भने, ‘तर, गोली चलाउने अवस्था कसरी आयो र विना आदेश गोली कसरी चल्यो भन्ने छानबिनबाटै देखिन्छ ।’

उनले छानबिन प्रतिवेदनपछि सरकारले गल्ती भएको ठाउँमा सच्याउने, दोषीलाई कारबाहीको दायरामा ल्याउने र पीडित परिवारलाई परिपूरणको व्यवस्था गर्ने जानकारी संसदमा गराएका छन् ।

तपाइको प्रतिक्रिया
(Visited 356 times, 1 visits today)

Ads Space Available

epaper

भर्खरै

‘अर्थतन्त्रमा दीर्घकालीन असर’

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
झलनाथको निर्वाचन क्षेत्रमा एमालेका थेबे गाउँपालिका अध्यक्षमा निर्वाचित