काठमाडाैं । पत्रकारहरूले तोकिएको पारीश्रमिक नपाउनु, अरुको पक्षमा बोल्ने र लेख्ने पत्रकारकै श्रम शोषण हुनु लज्जाको विषय भएको प्रेस काउन्सिल नेपालका अध्यक्ष बालकृष्ण बस्नेतले बताएका छन् ।
नेपाल पत्रकार महासंघ महिला विभागको आयोजनामा भएको ‘कार्यस्थलमा पत्रकार महिलाको सुरक्षा’ विषयक अन्तरक्रियामा उनले यस्तो बताएका हुन् । काउन्सिलले जारी गरेको पत्रकार आचारसंहिता र महिला सञ्चार निर्देशिका, २०७३ ले समेटन नसेकका विषय सहित कार्यस्थलमा हुने हिंसाको विषयमा छुट्टै निर्देशिका बनाउने तयारी भैरहेको उनले जानकारी दिए ।
स्वतन्त्रताको नाममा हुने विकृतिको अन्त्य गर्नुपर्ने भन्दै अध्यक्ष बस्नेतले कतिपय विषयहरु अहिले भैरहेको ऐनले नसमेटाकाले अब बन्ने निर्देशिकामा समेटेर लैजाने स्पष्ठ पारे । घरबाट कार्यलय निस्केपछि कार्यलयसम्म पुग्ने बाटो र कार्यालयपनि कार्यस्थल भित्र पर्ने भन्दै सम्पादक व्यवस्थापक मात्र बन्ने गरेकाले पनि पत्रकार समस्यामा परेकाले सम्पादकीय नेतृत्व गर्न सक्नु पर्ने बताए ।
