हैजा महामारीका रूपमा फैलन नदेऊ

देशको सबैभन्दा सघन बस्ती भएको काठमाडौं महानगरपालिकामा बिरामी परेका विभिन्न स्थानका चार जना नागरिकमा हैजाको जीवाणुफेला परेको पुष्टि भएपछि यसलाई फैलन नदिन स्वास्थ्य सतर्कता अपनाउन कडाइ गरिएको छ । हैजाका जीवाणु भेटिएका चारै जनाको उपचार शुक्रराज ट्रपिकल तथा सरूवा रोग अस्पतालमा भइरहे पनि बाहिर जनमानसमा भने यसले महामारीको रूप लिने हो कि भन्ने निकै जगजगी भइरहेको छ । जनस्वास्थ्यविद् तथा जनस्वास्थ्यकर्मी भने बिरामी अस्पतालमा रहेकाले यसलाई बेलैमा नियन्त्रणमा लिन सकिने विश्वासमा छन् । बिरामी बागबजारका २ जना, भोटेबहाल र डिल्लीबजारका एक÷एक जना रहेकाले ती ठाउँ बढी निगरानीमा राखिएका छन् । के कारणले हैजाको जीवाणु देखियो भन्ने कुरा अहिलेसम्म पत्ता लागि नसकेकाले मानिसमा एक खालको संशय पैदा हुन गएको छ । यसले मानसिक रूपमा तनाव उत्पन हुन पुगेको र स्वास्थ्यकर्मीलाई थप अन्योलतामा समेत पारिदिएको छ । बिरामी भेटिएका ठाउँमा खानेकुरा, पानी, उपभोग्य सामान तथा फोहर आदिमा निगरानी राखिए पनि यही वस्तु र यही ठाउँबाट यो हुन गयो भन्ने कुरा ठम्याउन गाह्रो हुन गएको छ ।

एकताका लामो समयसम्म फोहर उठ्न नसक्दा काठमाडौंमा अबका दिनमा हैजा महामारीका रूपमा फैलने भयो भन्दै निकै चिन्ता व्यक्त हुने गरेको थियो । तर, त्यसपछिलगत्तै फोहर उठाउन सुरु गरियो । फोहर उठ्ने प्रक्रिया तीव्रतामा भइरहेको र हाल हैजाको जीवाणु देखिएका ठाउँमा फोहर उठाइसकिएकाले हैजाको जीवाणु अरू कुन कारणले देखिन पुगेको हो, सोको खोजी भइरहेको छ । फोहोर र प्रदूषित पानीका कारणले हैजा देखिएको हुनसक्ने पूर्वानुमान गरिए पनि त्यसको पुष्टि हुन भने बाँकी छ । तर, पनि काठमाडौं महानगरपालिका हैजाको जोखिममा रहेको देखिएकोमा चिन्ता भने सर्वत्र छाएको छ । राजधानी सहर भएकाले दिनका १०औं हजार मानिस भित्रने र बाहिरिने गर्दा हैजाले देशव्यापी रूपमा आतंक सिर्जना गर्न पनि सक्छ । यस’bout बेलैमा ख्याल गर्नु जरुरी छ । केहीका अनुमानमा लामो समयसम्म फोहोर नउठेको कारणले हैजाको प्रकोप बढेको हुन सक्ने भनिए पनि हैजा पुष्टि भएका ठाउँमा हैजाको लक्षण भएका बिरामी छन् कि छैनन् भनी खोजी भइरहेको छ ।

अहिले धारा,पानीको जार, टुबेल, मूल, उपभोग्य सामान आदिको नमुना परीक्षण गरिए पनि हैजाको जीवाणु कहाँबाट आयो, एकीन विवरण प्राप्त हुन सकेको छैन । यसले आशंकाको दायरालाई फराकिलो बनाउन पुगेपछि कतै पत्ता नलाग्दै यसले महामारीको रूप लिने त होइन भन्ने आशंकामा बल पु¥याएको छ । जनस्वास्थ्यविद् पनि परीक्षण रिपोर्ट नआउँदासम्म केही भन्न सक्ने अवस्थामा छैनन् । मुख्य गरी फोहर, खाना र पानीबाट सर्ने यो रोग क्षणभरमा फैलने प्रकृतिको हुन्छ । बजारमा सरकारी निकायका तर्फबाट शुद्ध खानेपानी खाना, प्रदूषित खानेकुरा तथा झिंगा भन्केको खानेकुरा नखान आग्रह गर्दै माइकिङ गरे पनि जीवाणु यही ठाउँबाट र यसै कुराबाट फैलिएको रहेछ भने एकिन नहुँदासम्म मात्र अँध्यारोमा हवाइफायर गरेसरह हुने देखिन्छ । त्यसैले तीव्रतामा यसको परीक्षण सम्पन्न गरी यथार्थता पत्ता लगाई राजधानीबासीको स्वास्थ्य बर्बाद हुनबाट जोगाउने हर प्रयत्नजारी राखौं । साथै, व्यक्तिगत सरसफाइ, खानेकुराको सरसफाइ तथा खुला रूपमा दिसापिसाब नगर्न र शौचालयको प्रयोग गर्न र दिसापिसाब गरेपछि अनिवार्य रूपमा साबुनपानीले हात धुने गरी प्रचारप्रसारलाई तीव्र बनाऔं ।

तपाइको प्रतिक्रिया
(Visited 39 times, 1 visits today)

Ads Space Available

epaper

भर्खरै

रामेछाप बस दुर्घटना : मृतकको संख्या १२ पुग्यो

कुरी-कुरी