गठबन्धनमभित्र ‘पावर सेयरिङ’ बैठक तीब्र

Online Nepali News Portal

काठमाडौं । आमनिर्वाचन परिणाम आउँदै गर्दा राजनीतिक दौडधुप झनै तीव्र हुन थालेको छ । सत्ता गठबन्धनभित्र प्रधानमन्त्रीदेखि राष्ट्रपति, उपराष्ट्रपति, सभामुख र उपसभामुख चयन प्रक्रियासमेत अघि बढाउने तयारी भएको छ ।

नयाँ जनादेशअनुसार पहिले नयाँ सरकार गठन गर्नुपर्ने भएपछि गठबन्धन आबद्धलगायत दल ‘सत्ता जोडघटाउ’मा लागिसकेका छन् । जोडघटाउमा नयाँ प्रधानमन्त्रीदेखि राष्ट्रपति चयनसम्मका विषय जोडिएका छन् । परिणामअनुसार संसद्मा कुनै पनि दलको ‘एकल बहुमत’ नपुग्ने पक्का भएपछि बहुमतीय आधारमा सरकार गठन प्रक्रिया अघि बढ्नेछ ।

प्रधानमन्त्रीको सरकारी निवास बालुवाटारमा सोमबार प्रधानमन्त्री तथा नेपाली कांग्रेस सभापति शेरबहादुर देउवाले नेकपा माओवादी केन्द्र अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादी अध्यक्ष माधवकुमार नेपालसँग नयाँ राजनीतिक कोर्स’bout छलफल गरेका छन् ।

प्रधानमन्त्री, राष्ट्रपति, उपराष्ट्रपति, सभामुख र उपसभामुखमा भागबन्डा मिलाउन कसरत

त्यसक्रममा सरकार गठनदेखि राष्ट्रपति चयनसम्मको विषयमा छलफल भएको हो । प्रधानमन्त्रीका प्रेस सल्लाहकार गोविन्द परियारका अनुसार देउवाले दुवै दलका अध्यक्षसँग नयाँ राजनीतिक कोर्स र गठबन्धनको निरन्तरता’bout छलफल गरेका छन् । ‘नयाँ राजनीतिक कोर्स, गठबन्धनलाई इन्ट्याकमै राखेर सरकार गठन र पावर सेयरिङबाटै अघि बढ्ने विषयमा छलफल भयो,’ प्रधानमन्त्रीका पे्रस सल्लाहकार परियारले राजधानीसँग भने ।

प्रधानमन्त्री देउवाले माओवादी केन्द्र अध्यक्ष प्रचण्ड र नेकपा एकीकृत समाजवादी अध्यक्ष नेपालसँग छुट्टाछुट्टै भेट गरेका हुन् । सो क्रममा प्रधानमन्त्री, प्रतिनिधिसभा सभामुख, उपसभामुख, राष्ट्रपति, उपराष्ट्रपतिलगायतमा ‘पावर सेयरिङ’ विषयमा छलफल भएको हो । यस विषयमा छलफल गर्न छिट्टै गठबन्धन बैठक बस्ने र छलफल गरेर टुंगो लगाउने तीन नेताबीच सहमति बनेको छ ।

निर्वाचनपछि नेता नेपालसँग भने देउवाले पहिलोपटक सोमबार भेटेका हुन् । प्रचण्डसँग भने देउवाले आइतबार मात्रै भेटेका थिए । सोमबार नै प्रचण्ड र नेपालबीच पनि छलफल भएको छ ।

तपाइको प्रतिक्रिया
(Visited 280 times, 1 visits today)

Ads Space Available

epaper

भर्खरै

अझै भेटिएनन् तीन महिला हत्याका अभियुक्त

कुरी-कुरी

राजधानी राष्ट्रिय दैनिक:कुरी-कुरी – माघ २०, २०७९
राजधानी राष्ट्रिय दैनिक:कुरी-कुरी – माघ २०, २०७९
जिरी नगरपालिकाकाे नगर प्रमुख र उपप्रमुखमा एमालेका उम्मेदवार विजयी