लुम्बिनी प्रदेशले आज नयाँ मुख्यमन्त्री पाउँदै

दाङ । लुम्बिनी प्रदेशले आज नयाँ मुख्यमन्त्री पाउने भएको छ । प्रदेश प्रमुख अमिक शेरचनले अपराह्न चार बजेसम्म नेपालको संविधानको धारा १६८ को उपधारा(२) बमोजिम बहुमत सदस्यको हस्ताक्षरसहित मुख्यमन्त्रीको लागी दावी पेश गर्न समय दिएका छन् ।

सो समयभित्र माओवादी लगायत अन्य दलको समर्थनमा एमाले संसदीय दलका नेता लिला गिरीलाई मुख्यमन्त्री बनाउनेगरी दावी पेश गरिने छ । त्यसपछी प्रदेश प्रमुखले मुख्यमन्त्री नियुक्त गर्नुहुने छ ।

लुम्बिनीमा कुनै पनि दलको बहुमत नपुगेकाले प्रदेश प्रमुखले संविधानको धारा १६८ को उपधारा (२) बमोजिम मुख्यमन्त्री नियुक्तिको लागी आह्वान गरेका छन् । अब प्रदेश प्रमुखले दिएकै समय सीमाभित्र मुख्यमन्त्री नियुक्तिको दावी पेश गरिने भएको छ ।

एकदिन अगाडी मंगलबार दावी पेश गर्ने तयारी गरे पनि सत्तारुढ दलका संसदीय दलका नेता सबै उपस्थित हुन नसकेपछि मंगलबार दावी पेश हुन नसकेको प्रदेश सभा सदस्य तथा एमाले नेता भूमिश्वर ढकालले जानकारी दिए ।

प्रदेश प्रमुख अमिक शेरचनले नेपालको संविधानको धारा १६८ को उपधारा(२) बमोजिम मुख्यमन्त्री नियुक्त गर्न आह्वान गरेका थिए । नेपालको संविधानको धारा १६८ को उपधारा(२) बमोजिम प्रदेश सभामा प्रतिनिधित्व गर्ने दुई वा दुई भन्दा बढी दलहरुको समर्थमान बहुमत प्राप्त गर्न सक्ने प्रदेश सभा सदस्यलाई मुख्यमन्त्री नियुक्त गर्ने प्रावधान छ ।

सोही प्रावधानअन्तर्गत प्रदेश प्रमुखले पुस २७ गते बुधवार अपराह्न चार बजेसम्मको समयमा दावी पेश गर्न समय दिइएको हो ।

एमाले २९, माओवादी नौ, राप्रपा, नागरिक उन्मुक्ती पार्टी चार-चार, जनमत पार्टी, जसपाको तीन-तीन सिट छ । यहाँ नेपाली कांग्रेस २७, राष्ट्रिय जनमोर्चा र एकिकृत समाजवादीका एक-एक, लोकतान्त्रिक समाजवादी तीन र स्वतन्त्र तीन जना छन् ।

तपाइको प्रतिक्रिया
(Visited 50 times, 1 visits today)

Ads Space Available

epaper

भर्खरै

सहमतीमा राष्ट्रपति छान्ने माओवादी निष्कर्ष

कुरी-कुरी

राजधानी राष्ट्रिय दैनिक:कुरी-कुरी – माघ २०, २०७९
राजधानी राष्ट्रिय दैनिक:कुरी-कुरी – माघ २०, २०७९
पोखरामा एकीकृत समाजवादी ७ सय मतान्तरले अगाडी