संघ सरकारले राजमार्गका पुल मात्रै बनाउने

काठमाडौं । संघ सरकारले अब राष्ट्रिय राजमार्गअन्तर्गतका पुलहरू मात्र निर्माण गर्ने भएको छ । भौतिक पूर्वाधार तथा यातायात मन्त्रालयअन्तर्गतको सडक विभागले आफूलाई राष्ट्रिय राजमार्गमा पर्ने पुल निर्माणमा केन्द्रित गर्ने जनाएको हो ।

विभागले अब स्थानीय तहअन्तर्गतका पुल निर्माण नगर्ने तयारी गरेको छ । स्थानीय तहअन्तर्गतका पुल हस्तान्तरण तथा बजेटलगायतमा समस्या आएको भन्दै विभागले अब राष्ट्रिय राजमार्गका पुल निर्माणमा मात्रै केन्द्रित हुने तयारी गरेको हो ।

सडक विभागले स्थानीय सडकका पुलको काम आगामी आर्थिक वर्षदेखि नगर्नेगरी छलफल अघि बढाएको छ । विभागका प्रवक्ता भीमार्जुन अधिकारीले ठेक्का हस्तान्तरणको समस्या र पर्याप्त बजेट नहुने भएपछि आगामी आर्थिक वर्षदेखि स्थानीय तहअन्तर्गतका नयाँ पुल निर्माणको काम नगर्ने तयारी भएको बताएका छन् ।

विभागले अब स्थानीय सडकमा पर्ने पुल स्थानीय तह, प्रदेश वा स्थानीय पूर्वाधार विभागले गर्ने जनाएको छ ।

त्यसो त सडक विभागमा राष्ट्रिय राजमार्गमा पर्ने पुल निर्माणको जिम्मेवारी भए पनि अहिले स्थानीय तहका पुल निर्माण पनि विभागले नै गर्दै आएको हो । अब भने विभाग उक्त कार्यबाट अलग हुने तयारी गरेको हो ।

विभाग मातहतमा हाल मुलुकभर एक हजार दुई सयको हाराहारीमा पुल निर्माणधिन अवस्थामा छन् । जसमध्ये झन्डैै नौ सय पुल स्थानीय सरकार अन्तर्गतका रहेको जनाइएको छ । एकै पटक धेरै पुल निर्माणको जिम्मेवारी हुँदा विभागले अपेक्षाकृतरूपमा काम गर्न सकेको छैन ।

निर्माणाधीन पुलमध्ये १०औं वर्ष पुरानो ठेक्का रहेका पुल पनि रहेका छन् । ५÷१० करोड रुपैयाँ लागत लाग्ने पुलमा एउटा आर्थिक वर्षमा ५० लाख रुपैयाँ मात्रै बजेट विनियोजन हुँदा काम गर्न समस्या हुने गरेको विभागले जनाएको छ ।

विभागले प्रत्येक वर्ष औसतमा करिब चार÷पाँच हजारवटा पुल निर्माणको माग हुने गरेको जनाएको छ ।

तपाइको प्रतिक्रिया
(Visited 76 times, 1 visits today)

Ads Space Available

epaper

भर्खरै

बलि दिन भारत पुर्‍याइएकी बालिकाको उद्धार

कुरी-कुरी

राजधानी राष्ट्रिय दैनिक:कुरी-कुरी – माघ २०, २०७९
राजधानी राष्ट्रिय दैनिक:कुरी-कुरी – माघ २०, २०७९
मालिकामा एमालेविरुद्ध पाँच दलीय गठबन्धन