सिड्नी । पछिल्लो विश्वकपको उप–विजेता नेदरल्यान्ड्सले यसपल्टको संस्करणमा पनि क्वाटरफाइनल यात्रा तय गरेको छ । वुमेन्स वर्ल्डकप २०२३ मा डच टिमले दक्षिण अफ्रिकालाई सजिलै २–० ले हराएको हो ।
सिड्नी फुटबल स्टेडियममा भएको खेलमा नेदरल्यान्ड्सका लागि जिल रुडले नवौं मिनेटमा पहिलो गोल गर्दै सुरुआती अग्रता दिलाइन् । त्यसपछि खेलको ६८ औं मिनेटमा लिन्थ बियन्सटेनले दोस्रो गोल थप्न सफल रहिन् ।
नेदरल्यान्डका दुई प्रहारले पोस्टको दिशा लिए पनि त्यसले मान्यता पाएन । अब क्वाटरफाइनलमा नेदरल्यान्ड्सले अर्को बलियो टिम स्पेनको सामना गर्नेछ ।
तपाइको प्रतिक्रिया
(Visited 43 times, 1 visits today)
