एपीएफ अस्पतालमा अन्कोलोजी युनिट स्थापना

काठमाडौं । नेपाल एपीएफ अस्पताल बलम्बुमा बुधबार अन्कोलोजी युनिटको स्थापना गरिएको छ । अस्पतालको २२औं वार्षिकोत्सवको अवसर पारेर सशस्त्र प्रहरी महानिरीक्षक राजु अर्याल र सशस्त्र प्रहरी परिवार महिला संघकी पूर्वकेन्द्रीय अध्यक्ष श्रीमती कल्पना थापाले पूर्वसशस्त्र प्रहरी महानिरीक्षक स्वर्गीय सहवीर थापाको स्मृतिमा स्थापना गरिएको ‘सहवीर थापा अन्कोलोजी युनिट’को संयुक्त रूपमा उद्घाटन गरेका छन् ।

अन्कोलोजी युनिट सञ्चालनका लागि स्थापना गरिएको अक्षयकोषमा महानिरीक्षक अर्याल तथा उनको परिवारका तर्फबाट ५ लाख रुपैयाँ प्रदान गर्नुका साथै बहालवाला तथा अवकाश प्राप्त सशस्त्र प्रहरी कर्मचारीले समेत सहयोग रकम प्रदान गरेका छन् ।

साथै महानिरीक्षक अर्यालले नेपाल एपीएफ अस्पताल बलम्बुमा निर्माण भएको नयाँ इमरजेन्सी भवनको समेत उद्घाटन गरेका छन् ।

त्यस्तै, उनले अस्पतालमा कार्यरत रही उच्च पेसागत दक्षता प्रदर्शन गर्ने नेपाल एपीएफ अस्पतालका प्रमुख प्राविधिक सशस्त्र प्रहरी नायव महानिरीक्षक डा. रुपक महर्जनलगायत अन्य कर्मचारीलाई ‘आईजी एपीएफ कमिन्डेनी’ प्रदान गर्नुका साथै अस्पताललाई अनुकरणीय सहयोग पु¥याउँदै आएका विभिन्न संघसंस्था तथा महानुभावलाई कदरपत्र प्रदान गरेका थिए ।

सोही अवसरमा महानिरीक्षक अर्यालले नेपाल एपीएफ अस्पतालको विविध गतिविधि समेटी तयार पारिएको ‘अस्पताल प्रतिबिम्ब २०८०’को विमोचनसमेत गरेका थिए ।

महानिरीक्षक अर्यालले नेपाल एपीएफ अस्पताललाई आजको अवस्थासम्म ल्याइपु¥याउन महŒवपूर्ण भूमिका निर्वाह गर्ने सम्पूर्ण चिकित्सक, स्वास्थ्यकर्मी र कर्मचारीप्रति आभार प्रकट गर्दै अस्पतालमा कार्यरत कर्मचारीलाई प्रविधि र सीपको नविनतम विकासलाई आत्मसाथ गरी आगामी दिनमा समेत स्वास्थ्य सेवाप्रवाहमा कटिबद्ध भई निरन्तर लागिरहन निर्देशन दिए ।

उनले देशमा आइपरेको विपद् तथा महामारीका समयमा अस्पतालले निर्वाह गरेको भूमिकाको मुक्तकण्ठले प्रशंसा गर्दै अस्पतालमा सेवा लिन आउने आमसर्वसाधारण तथा विपन्न वर्गका परिवारका लागि नेपाल सरकारबाट उपलब्ध हुने सम्पूर्ण उपचारका सेवा प्रदान गर्न सदैव अग्रसर रहनुपर्नेमा जोड दिए ।

‘म होइन हामी भन्ने मान्यता लिई मालिक होइन सेवक हुँ’ भन्ने पवित्र भावनाका साथ कर्तव्य पथमा लागिरहन निर्देशन दिँदै महानिरीक्षक अर्यालले भने, ‘शरीरमा लागेको रोगको औषधि उपचारबाट सम्भव होला तर सामूहिक एकतामा व्यक्तिगत स्वार्थ र विचलनको संक्रमण भयो भने त्यो रोगको न कुनै उपचार हुन्छ न त निदान गर्ने सक्ने औषधी नै हुन्छ ।’

महानिरीक्षक अर्यालले अस्पतालको सेवा र विस्तार कार्यमा संगठनलाई प्रत्यक्ष एवं अप्रत्यक्ष रूपमा सहयोग पु¥याउने संघीय, प्रादेशिक तथा स्थानीय निकायका साथै विभिन्न राष्ट्रिय, अन्तर्राष्ट्रिय सरकारी तथा गैरसरकारी संघसंस्था र अस्पताल सेवालाई छिटोछरितो एवं प्रभावकारी बनाउन अहम भूमिका निर्वाह गर्ने कर्मचारीप्रति धन्यवाद प्रकट गरेका थिए ।

तपाइको प्रतिक्रिया
(Visited 50 times, 1 visits today)

Ads Space Available

epaper

भर्खरै

यो गठबन्धन कति दिन टिक्छ भन्ने टुङ्गो छैन: अध्यक्ष नेपाल

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
कैलालीका दुई पलिकामा रेशम चौधरीको नागरिक उन्मुक्ति पार्टी विजयी