मौलापुर मधानी महोत्सवको खर्च विवरण सार्वजनिक

रौतहट । रौतहटको मौलापुरमा आयोजित मधानी महोत्सव–२०८० को खर्च विवरण आज सार्वजनिक गरिएको छ । मौलापुर स्थित पतौरा महादेव मन्दिरलाई विश्व सम्पदा सूचिमा सुचिकृत गराउँने संकल्प सहित मधानी महायज्ञ हुदै आएको छ ।

मौलापुर नगरपालिकाको आयोजनामा भएको मधानी महोत्सव २२ फागुन देखी २६ फागुनसम्म पाँच दिन चलेको थियो । मधानी महोत्सवमा ७३ लाख २५ हजार खर्च भएको मौलापुर नगरपालिकाका निमित प्रमुख प्रशासकीय अधिकृत रामबाबुप्रसाद साहले जनाएका छन् । यति कम खर्चमा पाँच दिनसम्म भव्य महोत्सव हुनु र राष्ट्रिय अन्तर्राष्ट्रिय स्तरका पुजारी, खेलाडी, कलाकार लगायतको सहभागिता हुनुलाई सर्वसधारणले स्वागत गरेका छन् ।

‘५ दिवसीय महोत्सवमा जम्मा खर्च ७३ लाख देखिनु यो आफैमा मितब्यीताको नमुना हो । सरकारी निकायहरु अपारदर्शिता एवं लुटको केन्द्र बनिरहेको सन्दर्भमा मौलापुरले आफनो खर्च बिवरण सार्वजनिक गरेर मितब्यीता र पारदर्शिताको क्षेत्रमा उदाहरणीय कार्य गरेको छ’ मौलापुरका राधेश्याम पटेलले भने ।

पतौरा पुरातात्विक महादेव मन्दिरलाई बिश्व सम्पदा सूचिमा सुचीकृत गराउने र मधानी महायज्ञलाई अंतर्राष्ट्रीय स्तरमा पुर्याउने संकल्प सहित मौलापुर नगरपालिकाले मधानी महोत्सव गर्दै आएको छ ।

महोत्सवमा भारतीय सुपरस्टार गोविन्दा आहुजा, नेपाली सुपरस्टार पल साह, सुपरस्टार नायिका निलम गिरि, बिश्व चर्चित पहलवान बबिता फोगाट लगायत दर्जनौ प्रसिद्द कलाकार तथा खेलाडीहरूको सहभागिता, बाबाधामको मुल पुजारीहरु र संस्कृत बिश्व बिधालयको आचार्यहरुले मन्दिरमा पुजा गराएका थिए ।

साथै विशाल संख्यामा निकालिएको भगवान शिवको बारात यात्रा थियो र बिभीन्न शिव मण्डली सहितको शिवलिला प्रदर्शन गरिएको थियो । दुनियालाई तरंगित गर्ने यस्तो बिशाल कार्यक्रम यति कम रकममा भब्यताका साथ सम्पन्न हुनु मितब्यीता, सुशासन, पारदर्शिता र सदाचारको क्षेत्रमा उदाहरणीय बनेको स्थानीयहरु बताउँछन् ।

‘सरकारी निकायमा खर्च बिवरण माग्दा पनि नदिने अहिलेको परिवेशमा नगरपालिकाले आँफै खर्च विवरण सर्वाजनिक गर्नु आफैंमा सराहनीय एवं उदहरणीय कार्य हो । मौलापुर नगरपालिका बिकास र सेवासुविधा उदाहरण मात्र नभई अब पारदर्शिता, जवाफदेहिता र सुशासनको क्षेत्रमा पनि प्रभावकारी काम गर्दै आएको छ’ स्थानीय सोनालाल गुप्ताले भने ।

फागुन २३ गते शिवको बारात यात्रा, २४ गते मधानी बिशेष पुजा, २५ गते सांस्कृतिक बिशेष कार्यक्रम र २६ गते अन्तर्राष्ट्रीय दंगल (कुस्ती) प्रतियोगिता भएको थियो ।

मधानी महायज्ञमा नेपाल र भारतका लाखौं सर्वसधारणको सहभागिता रहेको थियो । बर्षौ पहिला शिवको मुर्ति फेला परेको थियो । त्यसपछि पुरातत्व विभागले उत्खनन गरेको थियो । उत्खनन गर्दै गर्दा त्यहाँ ऐतिहासिक रुपमा महत्वपुर्ण मन्दिर लगायतका बस्तुको फेला परेको थियो । त्यसपछि लगाातार उत्खनन हुदै गएपछि गुप्तकालिन बस्तुहरु फेला परेकाले मौलापुर नगरपालिका त्यसको संरक्षण गर्न तर्फ लागेको छ । हजारौं बर्ष पुराना मन्दिर सहित बिभिन्न बस्तु फेला परेपछि त्यसलाई विश्वसम्पदा सूचिमा सूचिकृत गर्नुपर्ने माग उठदै आएको छ ।

तपाइको प्रतिक्रिया
(Visited 78 times, 1 visits today)

Ads Space Available

epaper

भर्खरै

यस्तो छ, २०८१ सालको वर्षफल

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
देउवा, पौडेल र नेपालको जिल्लामै भएन तालमेल