खेलाडी राहत कोषका लागि एनओसीले पहल गर्ने

काठमाडौं । नेपाल ओलम्पिक कमिटी (एनओसी)ले कोरोना भाइरसको महामारीका कारण खेलकुदमा परेको असर, खेलाडी तथा प्रशिक्षकको अवस्थालगायतको विषयमा बुधबार सरोकारवालासँग भिडियो कन्फरेन्स (छलफल) गरेको छ । सो अवसरमा नेपाल ओलम्पिक कमिटीका अध्यक्ष तथा सांसद जीवनराम श्रेष्ठले कोरोना भाइरसको महामारीका कारण खेलक्षेत्र प्रभावित भएको बताए ।

उनले खेलाडीले लकडाउनका समयमा सुरक्षित रूपमा घरभित्रै बसेर खेलाडी गतिशीत हुनुपर्ने भए पनि यति बेला भने घरभित्र नै सुरक्षित रूपमा बस्नुको विकल्प नरहेको बताउँदै सम्पूर्ण खेलाडीलाई कसरी घरभित्रै बसेर पनि मानसिक र शारीरिक रूपमा फिट बनाइ राख्ने भन्ने विषयमा एनओसीको ध्यान केन्द्रित भएको बताए ।

सो अवसरमा श्रेष्ठले अन्तर्राष्ट्रिय ओलम्पिक कमिटीसँग भएको छलफल र टोकियो ओलम्पिक–२०२० स्थगित भएको प्रसंग र २०२१ मा हुने ओलम्पिकको विषयमा समेत जानकारी गराएका थिए । ‘विश्वव्यापी रूपमा खेलाडी प्रभावित भएका छन् । ओलम्पिकमा छनोट भएका खेलाडी स्कलरसिप पाएका खेलाडीको हकमा ओलम्पिक सरेपछि के हुने भन्ने जिज्ञासा बनिरहेको छ । यसमा आईसओसीले छनोट भएका कायम रहने र छनोट हुन बाँकी भएको खेलमा नयाँ तालिका सार्वजनिक गरेर अगाडि बढ्ने भन्ने छ,’ उनले भने ।

उनले खेलाडीलाई लकडाउनको समयमा पनि आत्मबल बढ्ने खालको मनोवैज्ञानिक परामर्श, घरभित्रै गर्ने फिजिकल अभ्यास र एनओसीले गठन गरेको डाक्टरको प्यानलसँग सम्र्पकमा रहने वातावरण बताउने बताए । उनले लकडाउनका कारण कुनै खेलाडी समस्या परेको भए उनीहरूलाई तत्काल सहयोग गर्ने समेत बताए ।

‘यो चुनौतीको समय कुनै खेलाडीलाई समस्या नआओस् भन्नका लागि राहत कोषको व्यवस्था गर्न समेत हामी अगाडि बढ्नेछांै,’ उनले भने । सो भिडियो कन्फरेन्समा कोभिड १९ र नेपालको खेलकुदको वर्तमान अवस्था र योजना विषयमा छलफल भएको नेपाल ओलम्पिक कमिटीका महासचिव निलेन्द्रराज श्रेष्ठले बताए ।

भिडियो कन्फ्रेन्सिङका माध्यमबाट देशभित्र पहिलो पटक खेलकुद सरोकारवालासँग छलफल भएको हो । द्वारा भएको छलफलमा एनओसीका अध्यक्ष तथा प्रतिनिधी सभाका सांसद जिवनराम श्रेष्ठ, महासचिब निलेन्द्रराज श्रेष्ठ, राष्ट्रिय खेलकुद परिषद्का उपध्यक्ष पिताम्बर तिम्सिना सहित एनओसीका अन्य पदाधिकारीहरु, ओलम्पियनहरु, चिकित्सक, खेलकुद पत्रकार लगाएतको सहभागिता रहेको थियो ।

करिव २ घन्टा लामो छलफलमा लकडाउनको समयलाई मध्यनजर गर्दै उनीहरु संगको सम्पर्क वढाउन एप्स निर्माणका लागि एनओसीले पहल गर्ने भएको छ । त्यसै गरि युवा तथा खेलकुद मन्त्रालय, राष्ट्रिय खेलकुद परिषद र एनओसीले संयुक्त रुपमा अनुगमन गर्न र खेलाडीको अवस्थामा पहल गर्न सरोकारवालाहरुले सुझाएका छन ।

ओलम्पिक खेल एक वर्ष पछि सरेकोले नेपालले त्यस बाट केही फाइदा लिन सक्ने अध्यक्ष श्रेष्ठले बताए । सो अवसरमा एनओसीका महासचिब श्रेष्ठले नेपाल प्रहरी, शसस्त्र प्रहरी र नेपाली सेनामा कार्यरत राष्ट्रिय स्तरका खेलाडीको स्वास्थ्य सुरक्षाको विषयमासमेत छलफल गर्नुपर्ने धाराणा राखेका थिए । उनले कुनै पनि राष्ट्रियस्तरका खेलाडीलाइ समस्य परेमा एनओसीमा खवर गर्न समेत आग्रह गरे ।

त्यसैगरी राखेपका उपाध्यक्ष पिताम्बर तिम्सिनाले खेलाडीका लागि सहज वातावरण बनाउन र लकडाउनको समयमा उनीहरूको अवस्थाको विषयमा चासो लिनका लागि एनओसीका अध्यक्षको पहलमा भएको भिडियो कन्फरेन्स कार्यक्रम महŒवपूर्ण रहेको बताए । त्यसैगरी एनओसीका उपाध्यक्ष चतुरानन्द वैद्यले ओलम्पिक भवनलगायत खेलस्थल सेनिटाइज गर्नुपर्ने बताए ।

सरकारले पहिलोपटक ११ देखि १८ चैतसम्म लकडाउन गरेको थियो भने दोस्रोपटक बढाएर २५ चैतसम्म र अब ३ वैशाखसम्म लम्बाएको छ । यो अवधिमा डाक्टर सरोजकृष्ण श्रेष्ठले खेलाडीलाई घरभित्रै रहन आग्रह गरेका छन् । कोभिड–१९ को लक्षण देखिएर कुनै आशंका लागेमा पहिले फोनमार्फत ओलम्पिक डाक्टरको प्यानललाई छलफल गर्न समेत उनले आग्रह गरे । उनले डाइटलगायतका विषयमा समेत ब्हाट्एप वा भाइबरबाट नियमित जानकारी गराउने बताए ।

उनले खेलाडीले कुनै पनि औषधि सेवन गर्नुपर्दा परामर्श लिन आग्रह गरेका छन् । त्यसैगरी नेतृत्व चेतना प्रशिक्षक इन्द्र गुरुङले नियमित तथा मानिसक रूपमा खेलाडीलाई बलियो बनाइराख्नका लागि आफू प्रशिक्षण दिन तयार रहेको बताए । त्यसका लागि एनओसीले व्यवस्था गर्नुपर्ने छलफलमा बताएको छ ।

तपाइको प्रतिक्रिया
(Visited 114 times, 1 visits today)

Ads Space Available

epaper

भर्खरै

जसपा नेपाल निर्वाचनमा एक्लै लड्ने

कुरी-कुरी