आनी छोईङको फिल्म देखाउँदै निफ सुरु

काठमाडौं । काठमाडौंमा यतिबेला विभिन्न देशका चलचित्रकर्मी आएका छन् । बिहिबारबाट सुरु भएको ‘सातौं नेपाल अन्तर्राष्ट्रिय चलचित्र महोत्सव (निफ)’मा सहभागी हुन बिदेशी चलचित्रकर्मीहरु नेपाल आएका हुन् । महोत्सबमा यसपटक ४० देशका ८८ वटा लामा, छोटा फिल्म र वृत्तचित्र देखाईँदैछ ।

सातौं निफको बिहीबार क्युएफएक्स सिनेमा सिभिल मलमासञ्चार तथा सूचना प्रविधिमन्त्री रेखा शर्माले उद्घाटन गरिन् । यस्तो महोत्सबले चलचित्र संस्कृति आदन प्रदानमा महत्वपूर्ण भूमिका खेल्ने मन्त्री शर्माले उद्घाटन समारोहमा बताईन् ।

आफु सञ्चार मन्त्री रहेकै बेला चलचित्र सम्बन्धि नयाँ ऐन ल्याउने उनले बताईन् । मन्त्रालयले चलचित्रकर्मीहरुको सुझाब अनुसार नै ऐनलाई परिमार्जन गरेर अघि बढाएको पनि उनले कार्यक्रममा प्रकाश पारिन् । फिल्मकर्मीको सुझावको आधारमा मात्र विधेयक बन्ने मन्त्री शर्माको धारणा थियो । फिल्मकर्मीको सुझावको आधारमा मात्र विधेयक बन्ने मन्त्री शर्माको धारणा थियो । सेन्सर बोर्डको नयाँ कार्यविधिलाई पनि चलचित्रकर्मीहरुको सल्लाह बमोजिम परिमार्जन गरेर ल्याउने पनि उनले बताईन् ।

यसपटक चलचित्र क्षेत्रलाई अबस्यक बजेट यो सरकारले नदिएको टिप्पणी भईरहेको बेला मन्त्री शर्माले आगामी बजेटमा फिल्म क्षेत्रलाई सम्बोधन गर्ने बताइन्,‘नेपाली चलचित्रको प्रवर्द्धन, विकास र सामाजिक रुपान्तरणका लागि आवश्यक योजना बजेटमा समेट्ने तयारीमा हामी छौं । त्यसको लागि चलचित्र क्षेत्रको सम्बन्धित योजनाको खाका पेश गर्न चलचित्र विकास बोर्डलाई निर्देशन दिईसकेको छु ।’

यो महोत्सबका अध्यक्ष केपी पाठकले चलचित्रको विकाशका लागि निफले महत्वपूर्ण भूमिका खेल्दै आएको बताए । राज्यले गर्नु पर्ने महोत्सबलाई निजी क्षेत्रबाट आयोजना गरेर आफुहरुले चलचित्र दुतको काम गर्दै आएको पनि उनले बताए ।

नेपाली चलचित्रको अहिलेको बजारलाई विश्लेषण गर्दै चलचित्र निर्देशक तथा अभिनेता नीर शाहले बजार बलियो हुँदा चलचित्र उधोग माथि उठ्ने भनाई राखे । यस्ता महोत्सब तथा चलचित्र सम्बन्धि विभिन्न गतिविधिले चलचित्रको बजारलाई चलाउनमान तुल्याउने महत्वपूर्ण भूमिका खेल्ने उनको कथन थियो । राज्यले अझै चलचित्रको विकाशमा आबस्यक भूमिका नखेलेको पनि शाहको टिप्पणी थियो । मुलधारका भन्दा पनि बैकल्पिक धारका सिनेमाको राष्ट्रिय तथा अन्तराष्ट्रिय बजार बिस्तारमा राज्यले साथ दिनुपर्ने उनले बताए ।

यो महोत्सबका मुख्य निर्णायक चिनियाँ फिल्म निर्माता तथा प्राध्यापक सिए फेईले दोश्रो पटक नेपाल आएको स्मरण सुनाउँदै पहिला भन्दा अहिले नेपाली चलचित्रले निकै फड्को मारेको बताए । यो महोत्सबमा आफ्नो मास्टर क्लास पनि हुने बताए । दुईपटक बर्लिन फिल्म फेस्टिभलमा अवार्ड जितेका सिए फेईले यो महोत्सबमा प्राप्त सिनेमाहरुको निकै उत्कृष्ट रहेको बताए ।

महोत्सबको पहिलो दिन बिहिबार उद्घाटन फिल्मको रुपमा आनी छोईङमाथि केन्द्रित बृत्तचित्र ‘आनी बन्ड ः छोइङ डोल्मा’ प्रदर्शन गरियो । यो बृत्तचित्रलाई हङकङका निर्देशकद्वय जेनिफर लिन र सान बाईले संयुक्त रुपमा निर्देशन गरेको हुन् । ९६ मिनेटको यो बृत्तचित्रमा गायिका आनी छोइङ डोल्माको बौद्ध भिक्षुणी, संगीतकर्मी, अधिकारवादी र जीवन यात्राको उतारचढावलाई निकै रोचक रुपमा प्रस्तुत गरिएको हो । बिहिबार नै क्युएफएक्स सिभिलमा अर्को चलचित्र डेसान पनि यो महोत्सबमा प्रदर्शन गरियो । कमल एक्चै मगरको निर्देशन रहेको यो चलचित्रले प्रकोपको कथा प्रस्तुत गरेको थियो । बिहिबार नै जापानी निर्देशक यू क्योहाराको ‘रिमेम्बरिङ एभ्री नाइट’ फिल्म प्रदर्शन गरियो ।

महोत्सब सोमबारसम्म काठमाडौंमा आयोजना हुँदैछ । शुक्रबार महोत्सबमा साक्षात्कार कार्यक्रम अन्तर्गत अभिनेता राजेश हमालले पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीसँग नेपाली चलचित्र र विविध राजनीतिमाथि सक्षात्कार गर्दैछन् । यो साक्षात्कार कार्यक्रम नेपाल पर्यटन बोर्डमा हुने महोत्सब अध्यक्ष पाठकले जानकारी गराएका छन् । महोत्सबका लागि चयन भएका ८८ वटा चलचित्र बिहिबारदेखि सोमबारसम्म काठमाडौंका क्युएफएक्स चेनका विभिन्न हलमा प्रदर्शन गरिँदैछ । सोमबार विभिन्न विधामा अवार्ड प्रदान गर्दै महोत्सब सकिने पनि पाठकले जानकारी गराएका छन् ।

तपाइको प्रतिक्रिया
(Visited 32 times, 1 visits today)

Ads Space Available

epaper

भर्खरै

यस्तो छ, २०८१ सालको वर्षफल

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
गठबन्धनले भत्कायो एमालेको गढ, खैरहनीको मेयरमा कांग्रेसका खनिया निर्वाचित