प्रदीप खड्का र बेनिषा हमालसँगै सिनेमामा

काठमाडौं । यतिबेला दुई वटा चलचित्र ‘पुजार सार्की’ र ‘पिताम्बर’को छायाँकनमा व्यस्त रहेको अभिनेता प्रदीप खड्का अर्को चलचित्रमा पनि अनुबन्धित भएका छन् । उनी नयाँ चलचित्रमा अनुबन्धित भएका हुन् । साइ–फाई जोम्बी थ्रिलर जनरामा निर्माण हुने नयाँ चलचित्रमा अभिनेता प्रदीप खड्कासँगै अभिनेत्री बेनिषा हमाल पनि अनुबन्धित भएकी छिन् ।

लामो समय देखि बेलायत बस्दै आएका निर्देशक प्रदीप शाहीले यो चलचित्रलाई निर्देशन गर्दैछन् । आफ्नो चलचित्रमा अभिनेता प्रदीप खड्कासँगै अभिनेत्री बेनिषा हमाल अनुबन्धित भएको उनले बताएका छन् । यसै साता चलचित्र विकाश बोर्डमा नाम दर्ता गरेर चलचित्रको काम अघि बढाउने उनले बताएका छन् । यो चलचित्रबाट प्रदीप र बेनिषा पहिलो पटक पर्दामा सँगै आउँदैछन् ।

चलचित्रको कथा निर्देशक शाहीले नै लेखेका हुन् । चलचित्रको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री ‘क्षितिज’ ले बताए । गत बर्ष प्रदर्शनमा आएको चलचित्र ‘अन्तीम संस्कार’ बाट यी निर्देशकले चलचित्र निर्देशन यात्रा अघि बढाएका हुन् ।

प्रदीप शाहीको निर्देशनमा बनेको पहिलो फिल्म ‘गोर्खा ः बिनिथ द ब्रेभरी’ ले अमाजोन प्राइममा राम्रो दर्शक पाउन सफल बनेको थियो। नेपाली चलचित्रको बजार नेपालमा मात्र नभई विदेशमा र बिदेशी ओटीटी प्लेटफर्ममा पुर्याउनु पर्छ र नेपालीले पनि बिदेशी लेभलको फिल्म बनाउन सक्छ भन्ने देखाउने सोच रहेको निर्देशक शाहीले बताए । यो चलचित्रलाई पनि आफुले अन्तराष्ट्रिय बजारमा पु¥याउने योजना उनले सुनाए ।

तपाइको प्रतिक्रिया
(Visited 59 times, 1 visits today)

Ads Space Available

epaper

भर्खरै

देउवा-नेपालको भेटले सत्ता समीकरणमा तरंग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
सर्लाहीकाे बरहथवा मेयरमा कटुवाल निर्वाचित