कृषि वैज्ञानिकहरुको राष्ट्रिय सम्मेलन हुँदै

काठमाडौं । नेपाली कृषि वैज्ञानिकहरुको संस्था सोसाइटी अफ एग्रिकल्चरल साइन्टिस्ट (सास–नेपाल) को बृहत् छैठौं राष्ट्रिय सम्मेलन तथा आठौं साधारण सभा यही चैत्र २१ गते ललितपुरमा सम्पन्न हुँदैछ ।

“कृषिमा रूपान्तरणका लागि अनुसन्धान प्रणाली” भन्ने नाराका साथ संचालन हुने यस सम्मेलनमा सास नेपालका आजीवन सदस्यहरु, साधारण सदस्यहरु, मानार्थ सदस्यहरु तथा कृषि अनुसन्धानमा संलग्न करिब ५०० जना व्यक्तित्वहरुको उपस्थिति रहनेछ ।

राष्ट्रिय प्रकृति संरक्षण कोष खुमलटार, ललितपुरको सभाहलमा सम्पन्न हुन लागेको सो सम्मेलनले नेपालको कृषि अनुसन्धान प्रणालीलाई सबल र सुदृढ बनाई मुलुकको आर्थिक विकासको लक्ष्यमा योगदान पुर्याउन नीतिगत हिसाबले विशेष मार्गचित्र तयार गर्ने अपेक्षा गरिएको छ ।

सन् १९९५ मा स्थापित यो संस्थाले कृषि अनुसन्धानको नीतिगत क्षेत्रमा सरकारलाई सल्लाह सुझाव दिने, कृषि वैज्ञानिकहरुको अनुसन्धानका उपलब्धिलाई जर्नलमार्फत प्रकाशन गर्ने, अन्तराष्ट्रिय तथा राष्ट्रिय स्तरका सभा सम्मेलन गर्ने, वैज्ञानिकहरुलाई पुरस्कृत गर्ने र तालिम प्रदान गर्ने, कृषि वैज्ञानिकहरुका अनुभवलाई प्रस्तुतीकरण मार्फत सम्प्रेषण गर्ने, वैज्ञानिकहरुका हकहितका सवालमा बहस, छलफल गर्ने लगयतका कार्यहरु गर्दै आएको छ । यो सम्मेलनले वैज्ञानिकहरुको नयाँ नेतृत्व चयन गर्नुका साथै कृषि वैज्ञानिकहरुको हकहितको लागि आवश्यक नीति तथा योजना तर्जुमा गर्ने जनाइएको छ ।

राष्ट्रिय कृषि प्रविधि सूचना केन्द्रका प्रमुख डा. कालिकाप्रसाद उपाध्यायका अनुसार सम्मेलनको पहिलो सत्रमा चार वटा बिषयगत कार्यपत्र प्रस्तुति र छलफल तथा दोश्रो सत्रमा नयाँ कार्यसमिति गठन गर्ने कार्यक्रम रहेको छ ।

तपाइको प्रतिक्रिया
(Visited 107 times, 1 visits today)

Ads Space Available

epaper

भर्खरै

देउवा-नेपालको भेटले सत्ता समीकरणमा तरंग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
सशस्त्र प्रहरीलाई आईजीपी अर्यालको निर्देशन