भीमाको शव २१ दिनदेखि अस्पतालमै

दैलेख । कर्णाली प्रदेश अस्पतालमा गत चैत्र २९ गते मृत्यु भएकी दैलेख आठविस नगरपालिका–५ की २२ वर्षीया भीमा (रिजुका) गुरुङ बलामीको २१ दिन वितिसक्दा शव अस्पतालमै छ । पीडित परिवारको गुनासो अस्पतालले सुनुवाई नगरेको भन्दै शव बुझेका छैनन् । शव नबुझेकापछि भीमाको मृत्युप्रकरण यतिवेला अदालत सम्म पुगेको छ ।

भीमाका जेठाजु नाता पर्ने धनबहादुर मगरले कर्णाली प्रदेश अस्पताल र अस्पतालका निर्देशक डम्बर खड्का र उपचारमा संलग्न चिकित्सकविरुद्ध वैशाख १७ गते अन्तरकालीन माग गर्दै जिल्ला अदालत सुर्खेतमा रिट दायर गरेका थिए । घटनामा संलग्न चिकित्सकमाथि छानविन सहित कारवाही गर्नुपर्ने र उचित क्षतिपूर्तिको माग गर्दै अधिवक्ता शेरबहादुर खत्रीको रोहवरमा मृतकका आफन्त अदालत पुगेका हुन ।

गएको मंगलबार निवेदनमा सुनुवाइ गर्दै घटनाको गम्भिर्यता र संवेदनशीलता समेतलाई ध्यान दिँदै दुवै पक्षलाई वैशाख २१ गते विहिवार छलफलका लागि झिकाउन आदेश दिएको छ । अन्तरकालिन आदेश उल्लेख गरिए अनुसार मृतकका आफन्त, परिवार, सहयोगी समेतलाई आवश्यक सुरक्षाको प्रबन्ध मिलाउन जिल्ला प्रशासन कार्यालय सुर्खेत र सुरक्षा निकायलाई आदेश दिइएको छ । पीडित परिवारको तर्फबाट अधिवक्ता शेरबहादुर खत्रीले बहस गरेका थिए ।

मृतक भीमाको सात महिना दुधे छोरी छन् । सामान्य पेट दुखाई सम्बन्धी समस्या लिएर अस्पताल पुगेकी डाक्टरहरूको लापरबाहीकै कारण मृत्यु भएको पीडित परिवारको भनाई छ ।

भीमाको शल्यक्रिया गर्नुभन्दा अगाडि चिकित्सकको टिमले केश सामान्य भएको चिन्ता नगर्ने मृतकका आफन्तलाई जानकारी दिएका पिडित परिवार भनाई छ । एक्कासि मृत घोषणा गरिएकाले लापरबाहीकै कारण मृत्यु भएको निष्कर्ष परिवारको छ । यो विषयमा अस्पताल प्रशासन, जिल्ला प्रशासन र प्रदेश सरकारबिच पटक–पटक वार्ता हुँदा पनि निष्कर्षमा पुग्न नसकेपछि आफन्त शव अस्पतालमै छोडेका थिए । शव अस्पतालमा छोडेको झण्डै महिना दिन पुग्न लाग्दा अस्पताल प्रशासनले कुनै सुनुवाई नगरेको भन्दै पिडित परिवार न्यायको लागि अदालत जान बाध्य भएका हुन ।

भीमाको उपचारमा प्रदेश अस्पतालका चिकित्सक डा.ललितजंग शाही सक्रिय थिए । भीमाको शल्यक्रिया गर्नुअघि डा. शाही समेतको चिकित्सकको समूहले यो केश सामान्य भएको बताएको कुरा रिटमा उल्लेख छ । पिडित परिवारले अदालतमा दिएको रिटमा उपचारका क्रममा भएको त्रुटि, हेलचेक्राइ र लापरवाहीका कारण मृत्यु भएकाले क्षतिपूर्ति दिलाई भराई पाऊँ भन्ने उल्लेख गरिएको छ ।

नाबालक छोरीको लालन पालन, रेखदेख संरक्षणका साथै उचित क्षतिपूर्तिका लागि अदालतबाट नै पीडित परिवारलाई दिलाई भराई पाऊँ भनी माग दाबी गरिएको हो । स्वास्थ्य परिक्षण प्रतिवेदन लगायतका प्रमाणहरू नष्ट गर्न सक्ने भएको हुँदा मृतकको स्वास्थ्य परीक्षण प्रतिवेदन झिकाई पाऊँ भनिएको छ ।

बिरामीको शल्यक्रिया गर्दाको चिकित्सकहरूको समूहको ’boutमा जानकारी दिन प्रदेश अस्पताललाई आदेश गरि पाउनाका साथै प्रशासन र मानवअधिकार आयोगको प्रत्यक्ष निगरानीमा अर्को अस्पतालबाट शव पोस्टमार्टम गराउन आदेश पाऊँ भनेर माग गरिएको छ ।

तपाइको प्रतिक्रिया
(Visited 62 times, 1 visits today)

Ads Space Available

epaper

भर्खरै

प्रतिनिधिसभामा आज पनि कांग्रेसको अवरोध, बैठक स्थगित

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
गुल्मीदरवार गाउँपालिकाको अध्यक्षमा कांग्रेसका थापा निर्वाचित