पर्दामा फेरी आए भक्तराज आचार्य

काठमाडौं । भजन शिरोमणि स्वर्गीय भक्तराज आचार्यलाई यसपटक हामीले गुमायौं । गत १४ फागुनमा उनको निधन भयो । यिनै श्रष्टाको जीवनीलाई ‘बायोपिक सिनेमा’को रुपमा चलचित्र आचार्यमार्फत आजबाट दर्शकले सिनेमा हलमा हेर्न पाउने भएका छन् ।

(रिलिज चलचित्र)

त्यसो त चलचित्र आचार्यलाई केही दर्शकले यसअघि पनि पक्कै हेरिसकेका छन् । यसपटक केही दृष्य थप गरेर आचार्यलाई फेरी पर्दामा ल्याउन लागिएको हो । यो चलचित्र शुक्रबारबाट देशव्यापी रिलिज हुने भएको छ ।

यो बायोपिक फिल्म ‘आचार्य’ को बुधवार साँझ प्रीमियर शो गरिएको छ । कमलपोखरीस्थित बिग मुभिजमा गरिएको प्रीमियरमा राजनीतिक दलका नेताहरु, चलचित्रकर्मीहरु उपस्थित भएका थिए । यो चलचित्र हेरेपछि धेरैले भक्तराजलाई फेरी सम्झिए । भक्तराजलाई पर्दामा हेर्दा धेरैजना भावुक भएका थिए । सो क्रममा उनीसँगको रुमानी यादहरु सुनाए ।

फिल्म हेरेर हलबाट निस्कँदै गर्दा अधिकांश कलाकारहरु स्वर्गीय भक्तराज आचार्यको जीवन कहानी सम्झेर भावुक भएका थिए । प्रीमियर शोमा चलचित्र ‘आचार्य’ हेरेपछि नेपाली कांग्रेस महामन्त्री विश्वप्रकाश शर्माले आफु बिगतमा पुगेको बताए । स्कुले जीवनमा भक्तराजका गीतहरु सुन्ने र गाउने गरेको स्मरण सुनाउँदै नेपाली संगीतको विकाशमो आचार्यको योगदान उच्च रहेको बताए ।

अग्रज संगीतकार शम्भुजित बासकोटाले भक्तराजको जीवनीलाई चलचित्र आचार्यमा यर्थाथरुपमा उतारिएको बताए । बुबाको भूमिकालाई गायक सत्यराज आचार्यले गजवैसँग निर्वाह गरेको पनि बासकोटाले बताए । राष्ट्रिय स्वतन्त्र पार्टीकी सांसद सोबिता गौतमले पनि नेपाली गीत संगीतमा भक्तराजको आचार्यको योगदानको चर्चा गरिन् ।,

अग्रज अभिनेता सुनिल थापा, गायक गायिकाहरु मीरा राणा, ओम बिक्रम बिष्ट, यम बराल, नबिन के भट्टराई, आनी छोइङ डोल्मा, चेतन सापकोटा, निशा देशार, प्राश्ना शाक्यलगायतले भक्तराजसँगका यादहरु सञ्चारकर्मीलाई सुनाए ।

यो चलचित्र १३ वर्ष अघि नै निर्माण भएको हो । यसलाई भजन शिरोमणि भक्तराज आचार्यप्रति श्रद्धाञ्जली अर्पण गर्ने उद्देश्यले पुन रिलिज गर्न लागिएको गायक सत्यराज आचार्यले बताए । उनका अनुसार यसपटक प्रदर्शन हुने यो चलचित्रमा भक्तराजको निधन पश्चातका केही दृष्यहरु समेत समेटिएको छ । यसलाई सिल्क रोड पिक्चर्सले पुनःप्रर्दशन गर्न लागेको हो ।

यसपटक सिनेमा हलमा गतिला नेपाली चलचित्र छैनन् । सोही कारण पनि निर्माण पक्षले चलचित्र भक्तराजलाई पुन निर्माण गरेर रिलिज गरेको हो । नेपाली प्रेमी दर्शकहरुका लागि यो एउटा फरक चलचित्र लाग्ने निर्माण पक्षको विश्वास छ ।

यो चलचित्रमा गायक सत्यराज आचार्य, अरुणा कार्की, सुनील पोखरेल, सौगात मल्ल, दयाहाङ राई, विपिन कार्कीलगायतको अभिनय रहेको छ । चलचित्रलाई रोशन राईले निर्माण गरेका हुन् । यो चलचित्रलाई प्रशान्त रसाईलीले निर्देशन गरेका हुन् । यसमा देवजंग थापाको पुनः सम्पादन रहेको छ ।

तपाइको प्रतिक्रिया
(Visited 81 times, 1 visits today)

Ads Space Available

epaper

भर्खरै

उड्ने बित्तिकै दाहिनेतिर मोडिने क्रममा विमान दुर्घटना, १८ जनाको मृत्यु भएको पुष्टि

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
जब प्रतिस्पर्धीलाई काँधैमा बोके विजयीले