काठमाडौं । राष्ट्रिय प्रजातन्त्र पार्टीले जिल्ला अध्यक्षहरूको भेला बोलाएको छ । भेला आउँदो साउन १७ र १८ गते काठमाडौंमा हुने भएको छ ।

भेलामा पार्टीको समग्र सांगठनिक अवस्थाको समिक्षा गर्न, पार्टी निर्माणका चुनौति र सम्भावना पहिचान गरी आवश्यक रणनीति तय गर्न, निकट भविष्यमा हुने निर्वाचनहरुको तयारी थाल्न देशका सबै जिल्ला कार्यसमिति अध्यक्षहरुको भेला गर्न लागिएको राप्रपाले बताएको छ ।

राप्रपाले सबै जिल्ला कार्यसमितिका अध्यक्षहरुलाई अनिवार्य उपस्थित हुन परिपत्र गर्दै जिल्लाको समग्र सांगठनिक अवस्था, सक्रिय सदस्यता वितरण, नवीकरण भइसकेका र हुन बॅाकीको विवरण, नयॅा सक्रिय सदस्यता वितरणको योजना, जिल्ला अन्तर्गतका सबै तहका कार्यसमितिको नामवली सहितको विवरण, जिल्ला र भातृ संगठनको अवस्था समेटिएको प्रतिवेदन सहित उपस्थित हुन जिल्ला अध्यक्षहरुलाई बैठकमा बोलाइएको छ ।

भेलामा अध्यक्ष राजेन्द्र लिङ्देनले समसामयिक राजनीतिक परिस्थिति, पार्टीले लिएका रणनीति, भावी कार्ययोजनाका सम्बन्धमा जिल्ला अध्यक्षहरुलाई ‘ब्रिफिङ्’ गर्नेछन् भने पार्टीका वरिष्ठ नेताहरुले पार्टी जीवनका विविध पक्षहरुमा अन्तरक्रियात्मक छलफल गर्ने कार्यक्रम तय भएको राप्रपाले जनाएको छ ।

सम्बन्धित समाचार

आईटी आर्मीले घेराउ गर्यो वैदेशिक विभाग जसपा नेपालद्वारा लुम्बिनी सरकारलाई दिएको सर्मथन फिर्ता सुदूरपश्चिम प्रदेशः मन्त्री मन्त्रालयविहीन, मन्त्रालय मन्त्रीविहीन वैदेशिक रोजगार ठगीविरुद्ध आईटी आर्मीद्वारा विभाग घेराउ नेपाल-चीन कूटनीतिक परामर्श संयन्त्रको बैठक सुरु एकीकृत समाजवादीको अध्यक्ष र महासचिवमा को ? यस्ता छन्, दाबेदार सांसद फणीन्द्र देवकोटालाई प्रदेश सभा प्रवेशमा रोक