पोखराको पोलिटेक्निक इन्स्टिच्युटको होस्टेल भवन भासियो

पोखरा । अविरल वर्षाका कारण पोखराको लामाचौरस्थित पोलीटेक्निक इन्स्टिच्युट प्रालिको होस्टल भवन भासिएको छ । गएराति करिब २ बजेतिर भएको सो घटनामा मानवीय क्षति टरे पनि होस्टेलको भान्सातर्फको भाग पूरै क्षति भएको छ ।

स्थानीयवासी एवं पोखरा मन्टेसरी स्कुलका सञ्चालक थिरबहादुर थापाले भने, ‘गएराति अविरल वर्षाका कारण राति १२ बजेतिर नालीको पानी लिक भएपछि खाल्डो बनेको र राति करिब २ बजेतिर भवनको दक्षिणतर्फ रहेको भान्सा भासिएको रहेछ ।’ ब्लकले बनेको उक्त भवन एकतले हो ।

जिल्ला प्रहरी कार्यालय कास्कीका अनुसार निरन्तर वर्षा भए थप क्षति हुने भएकोले स्थानीयको सहयोगमा भान्साघर भएको ठाउँ खाली गराउन लागिएको छ । लामाचौरको गैह्राबारीस्थित उक्त होस्टेलमा करिब ४० जना विद्यार्थी बस्छन् । यो लामाचौर इन्जिनियरिङ कलेजभन्दा माथि र इन्द्रराज्य लक्ष्मी माविभन्दा थोरै तल पर्दछ ।

पोहोर साउनमा पनि लामाचौर नजिकै बाटुलचौरको डाँडाथोक मार्गको सडक भासिएको थियो । पिच सडक भासिएपछि त्यहाँको बस्ती नै जोखिममा परेको थियो । सडक भासिएपछि परेको भ्वाङ पुर्न आएको टिपरसमेत खाल्डोमा फसेको थियो ।

पोखराको अर्मलाको घटना कसैले बिर्सेका छैनन् । पोखरामा वर्षायाममा सडक भासिनु सामान्य झैं हुन थालेको छ । पोखरामा नालीको व्यवस्थापन राम्रो छैन । वर्षायाममा यहाँ नाली भरिएर सडकबाटै खोलो बग्ने गर्दछ ।

यहाँको माटो चुनयुक्त भएकोले पानीमा घुलिँदा चुन पग्लिएर माटोको भारबहन क्षमता घटेपछि जमिन भासिने गरेको भूगोलविद् प्राडा कृष्ण केसीको भनाइ छ ।

तपाइको प्रतिक्रिया
(Visited 356 times, 1 visits today)

Ads Space Available

epaper

भर्खरै

बीपी र पुष्पलालले हेरिरहेका छन् कि ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
पर्सा गाउँपालिकामा कांग्रेसकै अध्यक्ष र उपाध्यक्ष निर्वाचित