काठमाडौं । सर्वोच्च अदालतले सीमावर्ती क्षेत्रबाट नेपाल फर्किन खोजेका प्रवासी नेपालीलाई क्वारेन्टाइनको शर्तसहित व्यवस्थित रुपमा घर फर्किन दिने व्यवस्था मिलाउन सरकारका नाममा अन्तरिम आदेश जारी गरेको छ ।
अधिवक्ता सोमप्रसाद लुइँटेलले दायर गरेको रिटमाथि बिहीबार सुनुवाइ गर्दै न्यायाधीश सपना मल्ल प्रधानको एकल इजलासले विदेशमा रहेका नेपालीलाई विना भेदभाव उद्दार गर्न सरकारका नाममा अन्तरिम आदेश दिएको हो ।
कोरोना भाइरस (कोभिड—१९) को महामारीले विश्व अर्थतन्त्र र रोजगारमा समेत असर परेको र नेपालको अर्थतन्त्रलाई ठूलो टेवा दिने वैदेशिक रोजगारीमा रहेका नेपालीले अत्यन्तै नाजुक र असुरक्षित अस्वस्थ अवस्थामा बस्नुपरेको यथार्थलाई राज्यले अनदेखा गर्न नमिल्ने सर्वोच्चको आदेशमा उल्लेख छ । एकातिर उनीहरु संक्रमितको जोखिममा रहेको र उपचार पहुँचबाट बञ्चित हुनुपर्ने अवस्था रहेको विषयलाई सर्वोच्चले सरकारको ध्यानाकर्षण गराएको छ ।
सर्वोच्चले भनेको छ, ‘केही देशले वैदेशिक रोजगारीमा रहेका नेपालीलाई फिर्ता लैजान दबाब दिइरहेको र कतिपय नेपालीले सरकारसँग गुहार मागिरहेको विषयलाई राज्यले टुलुटुलु हेरेर बस्न मिल्दैन ।’
सर्वोच्चले भनेको छ, ‘नागरिकको व्यक्तिगत अधिकार तथा बहुसंख्यक जनता जीवन, स्वास्थ्य र सुरक्षा हितलाई समेत सन्तुलित तरिकाले संरक्षण गर्दै सुक्ष्म, गम्भीर एवं संवेदनशील तरिकाले विना भेदभाव, विना स्वेच्छाचारी, विवेकपूर्ण तरिकाले नियमन र नियन्त्रणको शर्त बन्देजसहित फिर्ता ल्याउने र उद्दारका लागि आवश्यक प्रशासनिक, आर्थिक र व्यवस्थापकीय पहल गर्नु ।’
सर्वोच्चले कोरोनाको महामारी फैलिएका मुलुकमा वैदेशिक रोजगारीमा रहेका नेपाली नागरिकको त्यहाँको नेपाली राजदूताबास वा श्रम सहचारीमार्फत संक्रमित नेपालीको स्वास्थ्य स्थिति प्रतिवेदन तत्कालै तयार गर्न पनि निर्देशन दिएको छ ।
त्यस्तै, डब्लूएचओको मापदण्डअनुसार स्वास्थ्य सेवा, उपचार भेदभावरहित तरिकाले प्रदान गर्न परराष्ट्र मन्त्रालयमार्फत कूटनीतिक सञ्चार र समन्वय गर्न पनि भनेको छ ।
यसअघि कोरोनाको त्रासका कारण भारतबाट घर फर्कन खोज्दा सिमा नाका बन्दका कारण महाकाली नदी पारी अलपत्र परेका नेपालीलाई स्वदेश फर्कन दिनुपर्ने माग गर्दै परेको रिटमा सर्वोच्चले नागरिकलाई व्यवस्थित रुपमा नेपाल फर्काउन आदेश भएको थियो ।
जोखिममा रहेका नेपालीलाई घर फर्काउन सर्वोच्चको अन्तरिम आदेश
- Roshan Shrestha
- बैशाख ४, २०७७
- ६:१५ मध्यान्ह
Ads Space Available
अन्य समाचार पनि पढ्नुहोस्
कुरी-कुरी
आजको १० समाचार
- ब्वाइफ्रेण्डले गोप्य भिडियो सार्वजनिक गरेपछि…
- मलेसियमा झन्डै ६ लाख रिंगेट भेट्टाउने नेपाली को हुन् ?
- उपनिर्वाचनमा सत्तारूढ दलमै मैत्रीपूर्ण प्रतिस्पर्धा
- प्रधानमन्त्री प्रचण्ड र देउवाबीच भेटवार्ता
- नाउपामा फेरि किचलो, सांसद नै दुई कित्तामा
- छाया सेन्टर विवाद: ९ वर्षदेखि सर्वोच्चमा मुद्दा, २२…
- सनराइजर्स र मुम्बईबीचको हाइ भोल्टेज खेल: ५२३ रन, ३८ छक्का
- उच्चस्तरीय छानबिनको विकल्प छैन
- आरजुले गराइन् थाइराडको शल्यक्रिया
- सहरको रहरले रित्तिदै गाउँबस्ती