काठमाडौं । भक्तपुरको गठठाघर चौक तनावग्रस्त बनेको छ । ट्रकले स्कुटर चालकलाई किचेर मारेको भन्दै गठठाघर तनावग्रस्त बनेको हो । भक्तपुरको गठ्ठाघरमा मालबाहक ट्रकले स्कुटर चालकलाई किचे पछि भक्तपुर गठ्ठाघरको स्थिति तनावग्रस्त बनेको छ ।
जिल्ला प्रहरी परीसर भक्तपुरका अनुसार कोटेश्वरबाट भक्तपुर जाँदै गरेको ना ६ ख २१७३ नम्बरको ट्रकले बिहीबार दिउँसो २ बजे आसपासमा बा ४९ प ८९४४ नम्बरको स्कुटरलाई ठक्कर दिँदा एक महिलाको ज्यान गएको हो । ज्यान गुमाउने व्यक्तिको पहिचान खुलिसकेको छैन ।
स्थानीयले सडक अबरोध गरे पछि सो क्षेत्रको स्थीति तनावग्रस्त बनेको छ । प्रहरीले स्थीति नियन्त्रणमा लिनका लागि प्रयास जारी राखेको प्रत्यक्षदर्शीका अनुसार कौशलटारबाट गठ्ठाघरतर्फ गइरहेको ट्रकले स्कुटरलाई ठक्कर दिएपछि निकै परसम्म सोहोरेर लगेको थियो । ट्राफिक प्रहरीले ओभर स्पिडमा कौशलटारबाट गठ्ठाघरतर्फ गइरहेको स्कुटरलाई राेक्न खाेज्दा पछाडिबाट आएकाे ट्रकले ठक्कर दिँदा दुर्घटना भएकाे एक प्रत्यक्षदर्शीले बताए ।
