सङ्खुवासभा । सङ्खुवासभाको भोटखोला गाउँपालिकाका दुई सहित तीन जना आरोही तथा माउन्टेन गाइडहरूले उपल्लो मुस्ताङको छुआमा पहिलो र दोस्रो हिमालको पहिलो पटक आरोहण गरेका छन् । भोटखोला गाउँपालिका –३ का जेन्जेन लामा भोटखोला –४ का आशिष गुरुङ र दोलखाको गौरीशंकर गाउँपालिका पासाङ रिन्जी शेर्पाले मुस्ताङको लोमन्थाङ गाउँपालिका–४ मा पर्ने छुआमा पहिलो र दोस्रो हिमालको एकै साथ आरोहण गरेका छन् । भोटखोलाका जेन्जेन, आशिष र दोलखाका पासाङ रिन्जीले पहिलोपटक छुआमा पहिलो र दोस्रो हिमालका सफल आरोहण गरेका हुन् ।

हिमाल आरोहण टोलीले आइतबार बिहान पौने ९ बजे ६ हजार तीन सय २५ मिटर अग्लो छुआमा दोस्रो र १० बजेर ५९ मिनेटमा ६ हजार तीन सय ६६ मिटर अग्लो छुआमा पहिलोको सफल आरोहण गरोहण गरेको भोटखोला –३ का जेन्जेन लामाले जानकारी दिए । टोली भएका पाँच जना मध्ये तीन जनाले मात्र छुआमा पहिलो र दोस्रो हिमालका सफल आरोहण गरेको लामाले बताउनुभयो । भोटखोलाका लामाले हालसम्म माउण्ट एभरेष्ट ६ पटक आरोहण गरिसकेका छन् । त्यस्तैगरी आमालब्लुङ,लोत्से,मनास्लु,मेरापिक सहित दर्जन बढी हिमाल आरोहण गरिसकेको उनले बताए ।

सेभेन समिट ट्रेक्सको सहयोगमा अशोक नेपाल र अनिश दाहालसहित पाँच जनाको टोली एक साताअघि छुआमा हिमाल आरोहण गर्न उपल्लो मुस्ताङ पुगेको थियो । टोलीले छुआमा दोस्रो आरोहण गरेपछि करिब एक किलोमिटर यात्रा गरेर फेरि छुआमा पहिलो शिखर अल्पाइन शैलीमा चढेको थियो । सरकारले गत चैतमा देशभरका ५७ वटा नयाँ हिमाल आरोहण गर्न खुल्ला गरेको थियो ।

सरकारले नयाँ हिमाल आरोहण गर्न खुल्ला गरेसँगै तीन जनाको टोली नेपाल चीन सिमानामा पर्ने छुआमालाई छनोट गरेका हुन् । नयाँ हिमालहरूको पहिचान र प्रवद्र्धन गरी व्यवासायिक आरोहण गराउने उद्देश्यले छुआमाको आरोहण गरिएको उनको भनाइ छ । नेपालका धेरैजसो हिमालमा विदेशीले पहिलो आरोहण गरेको इतिहास रहेको भन्दै अगामी दिनमा नयाँ हिमालहरूको खोजी गरी आरोहण गर्दै टोली सदस्यले बताएका छन् ।

सम्बन्धित समाचार

जाडो बढेसँगै ताप्लेजुङका हिमाली बस्ती सुनसान मटिहानीमा एकीकृत घुम्ती सेवा शिविर सञ्चालन भेडेटारमा तीनदिने खाना महोत्सव हुँदै सरुवाको बेथितिले स्थानीय तह आजित सुन्दरहरैंचामा प्रदेश स्तरीय वक्तृत्वकला तथा हस्तलेखन प्रतियोगिता सम्पन्न चिसो बढेसँगै तल झरे भेडिगोठ पौवादुङमाका ५२५ परिवारलाई जस्तापाताको छानो वितरण जिल्ला उपसचिबमा पराजित तितुङ केन्द्रीय सदस्यमा निर्वाचित