काठमाडौं । सामसङ नेपाल ले आफ्नो प्रिमियम स्मार्टफोन Samsung Galaxy S26+ मा सीमित अवधिका लागि आकर्षक क्यासब्याक अफर ल्याएको छ । ग्राहकलाई थप बचत र सहज खरिद अनुभव उपलब्ध गराउने उद्देश्यले कम्पनीले यो योजना सार्वजनिक गरेको जनाएको छ ।
कम्पनीका अनुसार ग्यालेक्सी S26+ खरिद गर्ने ग्राहकहरूले रु २३ हजारसम्मको इन्स्ट्यान्ट क्यासब्याक प्राप्त गर्नेछन् । यससँगै स्मार्टफोनको विशेष अफर मूल्य रु १ लाख ८२ हजार ९९९ बाट घटेर रु १ लाख ५९ हजार ९९९ कायम हुने बताइएको छ । यो अफर मे १९ देखि जुन ३१ सम्म लागू रहनेछ ।
प्रिमियम स्मार्टफोन अनुभवलाई ध्यानमा राखेर तयार गरिएको ग्यालेक्सी S26+ मा उच्चस्तरीय कार्यसम्पादन, आकर्षक डिजाइन र अत्याधुनिक प्रविधिको संयोजन रहेको कम्पनीको दाबी छ । ग्यालेक्सी S26 सिरिजअन्तर्गतको यो मोडेलले दैनिक प्रयोग, मनोरञ्जन तथा उत्पादकत्वका लागि उत्कृष्ट अनुभव दिने अपेक्षा गरिएको छ ।
यसैगरी, ग्राहकलाई खरिद प्रक्रिया अझ सहज बनाउन हुलास फिनसर्भ हायर पर्चेज लिमिटेड (एचएफएल) मार्फत इन्स्टा फाइनान्स सुविधा पनि उपलब्ध गराइएको छ । ग्राहकहरूले २४ महिनासम्मको सहज ईएमआई योजनाअन्तर्गत मासिक रु ४ हजार ३४१ बाट किस्ता तिर्न सक्नेछन् ।
कम्पनीका अनुसार नागरिकता पेश गरेर ग्राहकहरूले यो वित्तीय सुविधा सहज रूपमा प्राप्त गर्न सक्नेछन् ।
सम्बन्धित समाचार
सामसङ नेपालद्वारा विशेष माइक्रोवेभ मास्टरक्लास आयोजना
सुरक्षण मुद्रण केन्द्रमा लाइसेन्स छपाइ जारी
डिजिटल पहुँच पुर्याउन दुर्गम क्षेत्रमा सेवा विस्तार गर्दै टेलिकम
कलेज बस दुर्घटनामा चार जना घाइते
आयोजना प्रभावितलाई सिलाइ मेसिन वितरण
एक लाख ३६ हजार पशुलाई खोप
पूर्वानुमान र विपद् पूर्वतयारीलाई प्रभावकारी बनाउनुपर्छ : मन्त्री श्रेष्ठ
रास्वपाले सांसदलाई दुई दिने प्रशिक्षण दिने
