काठमाडौं । सागर केरुङ निर्देशित लघु चलचित्र ‘तङसिङ’को प्रदर्शनसँगै आइतबारबाट चलचित्र विकास बोर्ड चावहिलमा ‘छैटौँ नेपाल आदिवासी जनजाति चलचित्र महोत्सव – २०८३’ सुरु भएको छ । १९ जेठ मंगलवारसम्म तीन दिन चल्ने यो महोत्सवको आयोजना आदिवासी जनजाति चलचित्र महासंघले गरेको हो । महासंघमा आदिवासी जनजाति समुदायका १४ जातीय चलचित्र सम्बन्धी संस्था रहेका छन् ।
महोत्सवको उद्घाटन समारोहमा १४ वटै जातीले आफ्ना सांस्कृतिक झाँकी प्रस्तुत गरे । चलचित्र विकास बोर्डका अध्यक्ष दिनेश डिसीसहित चलचित्रसँग सम्बन्धी विभिन्न संघ संस्थाका पदाधिकारीले कार्यक्रममा शुभकामना दिए ।

बोर्डका अध्यक्ष डिसी सामु आदिवासी जनजाति चलचित्रकर्मीहरूले आफ्ना समस्या सुनाए । समारोहमा उनीहरूले आदिवासी जनजातिका चलचित्रहरूले चलचित्र घरमा व्यावसायिक रूपमा प्रदर्शनको अवसर नपाएको भनाई राखे । उनीहरुले सेन्सर कठिनाइका समस्या पनि बताए ।

महोत्सवमा यस पटक आदिवासी समुदायका विभिन्न १३ वटा चलचित्र, वृत्तचित्र एवम् लघु चलचित्र चयन भएका छन् । महोत्सव भरी यी चलचित्रहरू प्रदर्शन गरेर उत्कृष्ट चलचित्रहरूलाई पुरस्कृत गरिने

महोत्सव निर्देशक सागर केरुङले उद्घाटन समारोहमा बताए । महोत्सवमा यस पटक नेवारी, गुरुङ, तामाङ, मगर, भुजेल, लिम्बू, माझी तथा राजवंशी समुदायका चलचित्र, लघु चलचित्र, वृत्तचित्र र एआई जेनेरेटेड वृत्तचित्र गरी १३ वटा लामा, छोटा चलचित्रहरू प्रदर्शन गरिँदै छ ।

पहिलो दिन आइतबार महोत्सवमा एउटा चलचित्र, एउटा वृत्तचित्र र एउटा लघु चलचित्र प्रदर्शन गरियो । उद्घाटन समारोहको लघु चलचित्र प्रदर्शनपछि महोत्सवमा दोस्रो सोमा आइतबार दिउँसो निमा लामा तामाङ निर्देशित तामाङ समुदायको चलचित्र ‘ह्याङ तामाङ’ प्रदर्शन गरियो । आइतबार नै अन्तिम सोमा भुजेल समुदायको ’boutमा निर्मित बिपना तामाङ भुजेलको वृत्तचित्र ‘निको पहिचान’ पनि देखाइयो ।

सम्बन्धित समाचार

फस्ट लुक्समा ‘कमला मिस’ सेन्सर बोर्ड बन्यो ‘केन्द्रीय चलचित्र जाँच समिति’ ‘मेरो डान्स युनिभर्स २’की विजेता रिस्ता गुरुङ अब चलचित्रमा चलचित्रकै कारण भारतको राष्ट्रिय सुरक्षामा खतरा, सुरक्षा’bout अदालतमा मुद्दा निश्चल बस्नेत लगायतमाथि अनुसन्धान गर्न सिफारिस सुवर्णको स्वर र संगीतमा माया बनेर… रिलिज सिल्भेस्टर स्टेलोनको ठाउँमा अब नयाँ ¥याम्बो