कपिलवस्तु । कपिलवस्तुको बुद्धभूमि नगरपालिका–९ स्थित अगिया खोलाबाट अवैध रूपमा नदिजन्य पदार्थ उत्खनन गरिरहेको अवस्थामा सशस्त्र प्रहरीले लोडर मेशिन र टिप्पर नियन्त्रणमा लिएको छ।

बुधबार दिउँसो विशेष सुराकीका आधारमा सशस्त्र प्रहरी बल सुरक्षा बेस क्याम्प चौरीको टोलीले खोलाबाटै उक्त उपकरणहरू नियन्त्रणमा लिएको हो। सशस्त्र प्रहरीका अनुसार लु १ क ४१८२ नम्बरको जेसीबी प्रयोग गरी लु १ ख ६२३५ नम्बरको टिप्परमा बालुवा लोड गरिरहेको अवस्थामा दुवै सवारी साधन नियन्त्रणमा लिइएको थियो।

नियन्त्रणमा लिइएका सवारी साधनलाई थप अनुसन्धान तथा आवश्यक कानुनी कारबाहीका लागि बुद्धभूमि नगरपालिकामा बुझाइएको सशस्त्र प्रहरीले जनाएको छ।

सीमा क्षेत्रमा हुने अवैध गतिविधि नियन्त्रणमा सक्रिय सशस्त्र प्रहरीले पछिल्लो समय बनजन्य तथा नदिजन्य पदार्थको चोरी निकासी र तस्करी रोकथाममा समेत विशेष ध्यान दिएको देखिन्छ।

सशस्त्र प्रहरी बल २८ नम्बर हेडक्वार्टरका प्रमुख सशस्त्र प्रहरी उपरीक्षक गोपाल अधिकारीले जिल्लाभर हुने अवैध राजस्व छलि तथा प्राकृतिक स्रोतको दोहन नियन्त्रणमा आफूहरू निरन्तर खटिएको बताए। उनले अवैध उत्खनन हुने क्षेत्रहरूमा निगरानी अझ सुदृढ बनाइएको र कानुनविपरीतका गतिविधिमाथि कडा कारबाही गरिने स्पष्ट पारे।

प्राकृतिक स्रोतको संरक्षण र राजस्व चुहावट नियन्त्रणका लागि स्थानीय तह र सुरक्षा निकायबीचको समन्वय अझ प्रभावकारी बन्नुपर्ने आवश्यकता समेत यस घटनाले पुनः उजागर गरेको छ।

सम्बन्धित समाचार

बालिका करणी अभियोगमा खुशीराम पक्राउ धनगढीमा १४५ ग्राम लागूऔषधसहित दुई जना पक्राउ बाँकेमा मल मौज्दात, वितरण नहुँदा किसान मर्कामा ‘नेपाली ब्रो’द्वारा श्रीमती हत्या प्रकरणमा थप तीन जना पक्राउ इस्मा घटना : गुल्मीका चार दल एकजुट गर्मी बढेपछि कोहलपुरका विद्यालय तीन दिन बन्द भैँसीपालनमा भविष्य खोज्दै रामसुहावन चौँरीको पुच्छरसहित ट्याक्टर प्रहरी नियन्त्रणमा