सिरहा । सिरहा जिल्ला प्रहरीले विभिन्न स्थानबाट नदीजन्य वस्तु अवैध रूपमा उत्खनन तथा ओसारपोसारमा प्रयोग भएका एउटा स्काभेटरसहित १० वटा टिपर नियन्त्रणमा लिएको छ ।

प्रहरीले सिरहा नगरपालिका–१३ गमहरियास्थित कमला नदीबाट एउटा स्काभेटर र टिपर नियन्त्रणमा लिएको छ भने गोलबजार नगरपालिका–३ गागनखोलनबाट आठवटा टिपर नियन्त्रणमा लिएको छ ।

सशस्त्र प्रहरी बल नेपाल सुरक्षा बेस क्याम्प गोलबजार र इकाला प्रहरी कार्यालय गोलबजारबाट खटिएको संयुक्त प्रहरी टोलीले ग्राभेल लोड गरेको ना४ख ८३७३, ना८ख १५१९, ना३ख ३८११, ना६ख ६९८८, मप्र०१–००१क०५१४, बाप्र०३–००१क ०३३८, प्र२–०१–००१क०१९० र मप्र०३–००१क ३८९३ नम्बरको टिपर नियन्त्रणमा लिएको जिल्ला प्रहरी कार्यालय सिरहाका निमित्त सूचना अधिकारी नरेश लिम्बूले जानकारी दिए ।

नदीजन्य वस्तु अवैध उत्खनन भइरहेको भन्ने सूचनाका आधारमा प्रहरी त्यस ठाउँमा पुगेपछि सबै टिपर चालक सवारीसाधन छाडेर भागेका प्रहरीले जनाएको छ ।

सम्बन्धित समाचार

पूर्वराज्यमन्त्री सिंहलाई चार वर्ष एक महिना कैद महोत्तरीका १६ कामदार भारतमा बन्धक गर्मी छल्न विद्यालयहरू धमाधम बन्द गरिँदै वीरगञ्जका मेयर सिंहविरुद्ध भ्रष्टाचार मुद्दा पुर्ख्यौली पेसा संरक्षणका लागि सारङ्गी रेट्दै हिमाल पश्चिम नवलपरासीका किसान रोपाइँमा व्यस्त बैंकिङ कसुरमा वडाध्यक्ष महतो पक्राउ नारायणीमा पौडी खेल्नेक्रममा डुबेर बेपत्ता