काठमाडौं । राहदानी छपाइ ठेक्का प्रक्रियामा अनियमितता भएको आरोपमा अख्तियार दुरुपयोग अनुसन्धान आयोगले राहदानी विभागका महानिर्देशकसहित १८ जनाविरुद्ध विशेष अदालतमा भ्रष्टाचार मुद्दा दायर गरेको छ।

मुद्दामा राहदानी विभागका महानिर्देशक तीर्थराज अर्याल, सूचना प्रविधि निर्देशक सुनिल केसी, तुलसीआचार्यलगायतलाई प्रतिवादी बनाइएको स्रोतले जनाएको छ। उक्त मुद्दामा १० अर्ब १३ करोड ४ लाख ६१ हजार ४७७ रुपैयाँ बिगो दाबी गरिएको छ।

विशेष अदालतको सूचना अधिकारी पार्वती हितानीका अनुसार, अख्तियारले १० अर्ब १३ करोड ४ लाख ६१ हजार ४७७ रुपैयाँ बिगो दाबी गरेको छ । उनका अनुसार, २ कम्पनीका ४ विदेशी नागरिक र दुई कम्पनीका नेपाली प्रतिनिधिसहित प्रतिवादी रहेका छन् ।

यस प्रकरणमा तत्कालीन परराष्ट्रमन्त्री आरजु राणा देउवालाई पनि अनुसन्धानका क्रममा बयानका लागि बोलाइएको भएपनि दायर गरिएको मुद्दामा उनलाई प्रतिवादी बनाइएको छैन।

विशेष अदालतले अब अभियोगपत्र दर्तापछि प्रतिवादीहरूलाई उपस्थित गराई कानुनी प्रक्रिया अघि बढाउनेछ। मुद्दाको अन्तिम टुंगो अदालतको फैसला पछि लाग्नेछ।

सम्बन्धित समाचार

नेपाल सम्पत्ति शुद्धीकरणको ‘ग्रे लिस्ट’को सूचीमा कायमै फुल्चोकी भ्रमणमा मान्छे हराउने घटना बढ्दै गएपछि सावधानी अपनाउन आग्रह निर्वाचन पर्यवेक्षण प्रतिवेदन अनावरण नापी कार्यालयको सेवा लिँदा ‘मेरो कित्ता’मार्फत राजस्व तिर्नुपर्ने रास्वपा महाधिवेशनः केन्द्रीय समितिको आकार बढ्दा बग्रेल्ती आकांक्षी विद्युतीय राहदानी छपाई प्रकरणमा सांसदको चासो पानीमा डुबेर ४ बालिकासहित ५ को मृत्यु बन्दसत्र आज, भोलिवाट निर्वाचन प्रक्रिया, रास्वपालाई थप समावेशी बनाइँदै