काठमाडौँ । नेपाली काँग्रेसले केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षमुनिका बालबालिकालाई कुनै पनि राजनीतिक दलको सदस्य नबनाउन अपिल गरेको छ।

बालबालिकाको बालापन, शिक्षा र अधिकारको संरक्षण गर्न सबै राजनीतिक दल, पार्टीका कार्यसमिति तथा शुभेच्छुकलाई आग्रह गरिएको उपसमितिका संयोजक उमंग लोहनीद्वारा जारी पत्रमा उल्लेख छ ।

काँग्रेसले डिजिटल प्रणालीमार्फत सुरु गरेको नयाँ क्रियाशील सदस्यता अभियानमा इच्छुक नेपाली नागरिकले असार २० गतेसम्म पार्टीको आधिकारिक पोर्टलमार्फत अनलाइन आवेदन दिन सक्ने जानकारी दिइएको छ।

काँग्रेसको सिद्धान्त र नीतिप्रति प्रतिबद्ध नेपाली नागरिकले १८ वर्ष पूरा गरेपछि मात्र क्रियाशील सदस्य बन्न पाउने व्यवस्था रहेको उल्लेख गरिएको छ।

सदस्य सङ्ख्या बढाउने प्रतिस्पर्धाका नाममा बालबालिकाको अधिकार हनन गर्ने र संविधान तथा कानुन विपरीत गतिविधि नगर्न सबै राजनीतिक दललाई आग्रह गरिएको छ।

सम्बन्धित समाचार

परराष्ट्र मन्त्री खनाल चीन प्रस्थान रास्वपा लुम्बिनीको नयाँ कार्यसमिति चयन, सभापतिमा घिमिरे निर्वाचित परराष्ट्रमन्त्रीद्वारा ‘चाइनिज एकेडेमी अफ साइन्स’को अवलोकन पार्टीसत्ता र शक्तिमोहले नेकपाभित्र ‘उकुसमुकुस’ प्रधानमन्त्री शाहले बोलाए मन्त्रिपरिषद् बैठक प्रधानमन्त्री शाह चितवनमा प्रतिनिधिसभाको बैठक शनिबार सकियो मन्त्रिपरिषद् बैठक, निर्णय अर्को बैठकपछि सुनाउने सहमति