काठमाडौं । आजदेखि नयाँ राहदानी (पासपोर्ट) छपाइ र वितरणको प्रणाली सुरु भए लगत्तै देशभर प्राविधिक समस्या देखिएको छ । जर्मन कम्पनीहरू म्युहलबउर र भेरिडोसले जिम्मेवारी सम्हालेको पहिलो दिनमै प्रणालीमा अवरोध आउँदा सेवाग्राहीले सास्ती व्यहोर्नु परेको हो ।

राहदानी विभागले सोमबारदेखि नयाँ प्रणालीमार्फत सेवा सुरु गरेको घोषणा गरे पनि देशका विभिन्न जिल्लाहरूमा यो प्रणालीले काम गर्न सकेको छैन । प्राप्त जानकारी अनुसार पाल्पा, अर्घाखाँची, बैतडी, महोत्तरी, काभ्रे, उदयपुर, बारा र म्याग्दी लगायतका जिल्लाहरूमा पासवर्ड र प्रणालीमा समस्या देखिएको छ ।

प्राविधिक समस्या देखिँदा त्रिपुरेश्वरस्थित विभागमा समेत सेवाग्राहीको ठुलो भीड लागेको छ भने नयाँ सिस्टमले काम नगर्दा पुरानो प्रणाली विस्थापित गर्ने सरकारी लक्ष्यमा सुरुवातमै धक्का लागेको छ । कतिपय जिल्लामा पासवर्डले काम नगरेको र कतिपय ठाउँमा सिस्टम नै ‘डाउन’ भएको बताइएको छ ।

सम्बन्धित समाचार

‘हुलाक ऐन, २०१९’ संशोधन गर्न माग चुनावमा सबैभन्दा बढी मिथ्या सूचना सामाजिक सञ्जालबाट सुरक्षा तथा जोखिम व्यवस्थापन सम्बन्धी तालिम सम्पन्न टेलिटकद्वारा पोको एम८ सिरिजका स्मार्टफोन सार्वजनिक ओप्पो ‘ए सिक्स एस प्रो’ नेपालमा सार्वजनिक आम्दानीको प्रमुख माध्यम बंगुर र माछापालन उदयपुरमा जङ्गली हात्तीले ६ घर भत्कायो कुँवरसहित १० जना उद्यमी सम्मानित