काठमाडौं । नेपाल सरकार मन्त्रिपरिषद्को मंगलबारको बैठकले सशस्त्र प्रहरी बल नेपालका विपद् खोज उद्धारमा उच्च जोखिममा खटिने कर्मचारीलाई प्रोत्साहन भत्ता उपलब्ध गराउने निर्णय गरेको छ ।

उद्धारमा खटिने कर्मचारीलाई मासिकरूपमा तलबको १५ प्रतिशत भत्ता दिने र खटिएको दिनमा ५ सयको दरले उच्च जोखिम भत्ता दिने निर्णय भएको हो ।

उच्च जोखिममा खटिने गोताखोर तथा हिमाली क्षेत्रमा खटिने सशस्त्र प्रहरीलाई उच्च जोखिम भत्ता दिने नेपाल सरकारको निर्णय सकारात्मक प्रभाव पार्ने विश्वास संगठनले लिएको छ । यस निर्णयले उच्च जोखिममा खटिने प्रहरी कर्मचारीहरूको उच्च मनोबल रहने छ भने उनीहरूको आर्थिक रूपमा समेत सुधार हुने विश्वास लिएको छ ।

सशस्त्र प्रहरी कर्मचारीहरूलाई यस निर्णयले फिल्डमा खटिन समेत थप बल पुग्ने र हौसला मिल्ने समेत अपेक्षा गरिएको छ ।

सशस्त्र प्रहरी महानिरीक्षक नारायणदत्त पौडेलले नेतृत्व सम्हालेपछि नै यस विषयलाई उच्च प्राथमिकतामा राखेर काम गरेअनुसार मंगलबार नेपाल सरकारबाट यो निर्णय भएको हो । यो जोखिम भत्ता विपद् खोज तथा उद्धार कार्य अन्तर्गत गोताखोर र उच्च हिमाली भूभाग जस्तो अति जोखिमयुक्त स्थानमा खटिने सशस्त्र प्रहरी बलका विशेष तालिम प्राप्त उद्धारकर्तालाई प्रदान गरिने छ । यसले अति नै संवेदनशील तथा जोखिमयुक्त क्षेत्रमा खोज तथा उद्धारमा खटिने राष्ट्रसेवकहरूलाई थप हौसला एवं प्रोत्साहन प्रदान गर्ने छ ।

समग्र विपद् खोज उद्धार कार्य सम्पादनमा थप प्रभावकारिता वृद्धि हुने र गोताखोर तथा उच्च हिमाली खोज उद्धार जस्तो अति नै संवेदनशील जोखिमयुक्त स्थानमा खटिने उद्धारकर्ताहरूलाई तालिमप्रति प्रोत्साहित गरी तालिम प्राप्त जनशक्ति पलायन हुनबाट समेत कमी हुने संगठनको विश्वास छ ।

सम्बन्धित समाचार

अर्कैसित प्रेममा थिएँ, घाँटी रेटेर श्रीमतीको हत्या गरेँ : नेपाली ब्रो (बयानसहित) समुदायको सशक्तीकरणमा सहयात्री बन्दै एक्सन एड ममतालाई घरमै पुगेर दिइयो नागरिकता कानुनभन्दा माथि छन् महानगर प्रहरी ‘आक्रोशको आगो’ मा सदाका लागि जले नेपाली आज यी प्रदेशमा भारी वर्षाको सम्भावना सहकारी र निजी क्षेत्र पनि अख्तियारको दायरामा सरकारी विज्ञापन वितरणसम्बन्धी एकद्वार नीति सर्वोच्च अदालतबाट बदर