काठमाडौं । प्रधानमन्त्री बालेन्द्र शाहले नेपाल तयारी पोसाक उद्योग संघका पदाधिकारीहरूसँग आज बिहान साढे ११ बजेबाट छलफल गर्ने भएका छन् । 

प्रधानमन्त्री तथा मन्त्रिपरिषद्को कार्यालयमा हुने सो भेटमा संघका अध्यक्ष पशुपतिदेव पाण्डे, प्रथम उपाध्यक्ष वसन्तराज अधिकारी, महासचिव भीमकुमारी गिरी, प्रमुख कार्यकारी अधिकृत सुयश खनाल तथा प्राविधिक सल्लाहकार प्रकाशकुमार झा सहभागी हुँदै छन् ।

छलफल तयारी पोसाक उद्योगको वर्तमान अवस्था, उद्योगले भोगिरहेका समस्या, उत्पादन तथा निर्यात प्रवर्धन, रोजगारी सिर्जना र उद्योग क्षेत्रको समग्र विकासका विषयमा केन्द्रित हुनेछ ।

प्रधानमन्त्री शाहले पछिल्ला दिनमा निजी क्षेत्र, उद्योगी–व्यवसायी तथा सरोकारवाला निकायहरूसँग निरन्तर संवाद गर्दै उनीहरूले भोगिरहेका समस्या, समाधानका उपाय र नीतिगत सुधारका विषयमा सुझाव लिने तथा कार्यान्वयनका लागि सम्बन्धित निकायहरूलाई आवश्यक निर्देशन दिँदै आएका छन् । 

सम्बन्धित समाचार

टेक्सासमा गोली लागेर एक नेपालीको मृत्यु, अमेरिकी सेनाले शव नदिएको पीडितको गुनासो सिंहदरबार परिसरकै गाडीमा ट्राफिक प्रहरीले लगायो ‘ह्विल लक’ सिंहदरबारमा ह्वीलचियर र सहयोगी सेवा सुरु माकलबारीमा अक्सिजन सिलिन्डर पड्किँदा पैदलयात्रीको मृत्यु नेपाली मृत्यु प्रकरण : थपलियाको नेतृत्वमा ५ सदस्यीय छानबिन समिति गठन मोदी खोलाले सडक बगाउँदा घान्द्रुकमा पर्यटक अलपत्र पहिरोमा परेर दुई जनाको मृत्यु पहिरोले मध्यपहाडी लोकमार्ग अवरुद्ध