काठमाडौं । जनआस्था साप्ताहिकका प्रधानसम्पादक किशोर श्रेष्ठ पक्राउ परेका छन् । उनलाई नेपाल प्रहरीको साइबर ब्युरोको टोलीले पक्राउ गरेको हो । उनलाई पक्राउ गर्न शनिवार बिहान प्रहरीको टोली नख्खुस्थित निवासमै पुगेको थियो ।

साइबर ब्युरोका उच्च स्रोतका अनुसार श्रेष्ठविरुद्ध ठाडो निवेदन परेपछि उनलाई पक्राउ गरिएको हो ।

समाचारको विषयलाई लिएर राष्ट्रिय स्वतन्त्र पार्टी (रास्वपा) का केन्द्रीय सदस्य एवं कलाकार हिमेश पन्तले शुक्रवार श्रेष्ठविरुद्ध साइबर ब्युरोमा निवेदन दिएका थिए । श्रेष्ठले पनि पन्तविरुद्ध ब्युरोमै निवेदन दिएको बताइएको छ ।

ब्युरो स्रोतका अनुसार दुवै पक्षलाई राखेर छलफल गराउने तयारी गरिएको छ ।

श्रेष्ठ यसअघि गत साउन २७ गते पनि काठमाडौं प्रहरीबाट पक्राउ परेका थिए । त्यतिबेला प्रहरीले उनको निवासमा खानतलासी गरी ल्यापटप, कम्प्युटरलगायत विद्युतीय सामग्री नियन्त्रणमा लिएको थियो ।

श्रेष्ठको गिरफ्तारीविरुद्ध बन्दीप्रत्यक्षीकरणको रिट परेपछि सर्वोच्च अदालतले उनलाई थुनामुक्त गरी हाजिरी जमानी वा तारिखमा राखेर अनुसन्धान अघि बढाउन परमादेश जारी गरेको थियो । त्यसपछि उनी भदौ १ गते हिरासतमुक्त भएका थिए ।

सम्बन्धित समाचार

कांग्रेस महाधिवेशन प्रतिनिधिको दर्ता प्रक्रिया पार्टी कार्यालयमा शुरू संसद् सत्ताको छायाँमा परेको एमाले निष्कर्ष कांग्रेस महाधिवेशनको बन्द सत्र शुरू, तीन छुट्टाछुट्टै हलमा छलफल गगन थापाले गराए सभापतिमा उम्मेदवारी दर्ता प्रधानमन्त्री बालेनको भारत भ्रमणको मिति तय भएको छैनः परराष्ट्र मन्त्रालय गृहमन्त्री सुधन गुरुङ भारत प्रस्थान राष्ट्रपति पौडेलले जारी गरे २ वटा अध्यादेश कांग्रेस महाधिवेशनको सम्पूर्ण मतपरिणाम आज बेलुकीसम्म आउने